റിയാദ് : ഒ.ഐ.സി.സി റിയാദ് - കണ്ണൂര്‍ സംഘടിപ്പിക്കുന്ന മാര്‍ക്ക് & സേവ് രുചിമേള 2025 മെഗാ ഇവെന്റിന്റെ ലോഗോ പ്രകാശനവും പ്രചാരണത്തിന്റെതുടക്കവും 10 ജൂലായ് 2025 രാത്രി 7.30 ന് മാര്‍ക്ക് & സേവ് ഹൈപ്പര്‍മാര്‍ക്കറ്റില്‍ വെച്ച് നടന്നു.

ഓ.ഐ.സി.സി റിയാദ് - കണ്ണൂര്‍ ജില്ലാ കമ്മിറ്റി പ്രസിഡന്റ് സന്തോഷ് ബാബുമാര്‍ക്ക് & സേവ് മാര്‍ക്കറ്റിംഗ് ഓപ്പറേഷന്‍ മാനേജര്‍ (KSA) അനീസ് കക്കാട്ടിന്‌ലോഗോ കൈമാറി പരിപാടിയുടെ പ്രചാരണത്തിന് തുടക്കമിട്ടു. മാര്‍ക്ക് & സേവിനെപ്രതിനിധീകരിച്ച് സ്റ്റോര്‍ ജനറല്‍ മാനേജര്‍ അഷ്റഫ് തലപ്പാടി, മാര്‍ക്കറ്റിംഗ്‌കോര്‍ഡിനേറ്റര്‍ ദുല്‍ഫിക്കര്‍ എന്നിവര്‍ പങ്കെടുത്തു.

സെന്‍ട്രല്‍ കമ്മിറ്റിഭാരവാഹികളായ അബ്ദുല്ല വല്ലാഞ്ചിറ ഫൈസല്‍ ബഹ്‌സാന്‍, യഹ്യ കൊടുങ്ങല്ലൂര്‍, അഷ്‌കര്‍കണ്ണൂര്‍ എന്നിവര്‍ ആശംസകള്‍ നേര്‍ന്നു. സെന്‍ട്രല്‍ കമ്മിറ്റി വര്‍ക്കിംഗ്പ്രസിഡന്റ് നവാസ് വെള്ളിമാട് കുന്ന്, നാഷണല്‍ കമ്മിറ്റി അംഗം സക്കീര്‍ദാനത്ത് എന്നിവരും പരിപാടിയില്‍ സന്നിഹിതരായിരുന്നു.

2025 സെപ്റ്റംബര്‍ 26ന് വെള്ളിയാഴ്ച മാര്‍ക്ക് & സേവ് ഹൈപ്പര്‍ മാര്‍ക്കറ്റ്മാളില്‍ നടക്കുന്ന പരിപാടിയില്‍ കേരളത്തിന്റെ വിവിധ ജില്ലകളിലെ പരമ്പരാഗതഭക്ഷണങ്ങളും തനതായ രുചികളും പരിചയപ്പെടുത്തുന്ന റിയാദിലെ മലയാളീവീട്ടമ്മമാരുടെ വിവിധ ഭക്ഷണ സ്റ്റാളുകള്‍ ഉള്‍ക്കൊള്ളിച്ചുള്ള ഒരു രുചി

മേളയാണ് ആസൂത്രണം ചെയ്യുന്നത്. കൂടാതെ ആകര്‍ഷകമായ സമ്മാനങ്ങള്‍ ഉള്‍പ്പെടുത്തിയുള്ള പാചക മത്സരവും സംഘടിപ്പിക്കുന്നതാണ്.

വിവിധ സ്റ്റാളുകളില്‍ പാചക വിദഗ്ദ്ധരായ വീട്ടമ്മമാരുടെ വ്യത്യസ്തരുചിയിലുള്ള ഭക്ഷണങ്ങളുടെ പ്രദര്‍ശനവും വില്പനയും ഉണ്ടായിരിക്കും. ഉത്സവപ്രതീതി ഉണര്‍ത്തുന്ന അന്തരീക്ഷത്തില്‍ ബോഞ്ചി സര്‍ബത്ത്, ഉപ്പിലിട്ട വിഭവങ്ങള്‍ഉള്‍കൊള്ളുന്ന തട്ട് കടകളും വിവിധങ്ങളായ മറ്റ് വില്‍പ്പന സ്റ്റാളുകളുംഒരുക്കുന്നതാണ്. കൂടാതെ ഓപ്പണ്‍ സ്റ്റേജില്‍ റിയാദിലെ കലാപ്രതിഭകള്‍അവതരിപ്പിക്കുന്ന കലാ പരിപാടികളും പരിപാടിക്ക് മാറ്റ് കൂട്ടും.

ലോഗോ പ്രകാശന ചടങ്ങിന് ഓ.ഐ.സി.സി റിയാദ് - കണ്ണൂര്‍ എക്‌സിക്യൂട്ടീവ്അംഗങ്ങളും സെന്‍ട്രല്‍ കമ്മിറ്റി ഭാരവാഹികളും പങ്കെടുത്തു. സെന്‍ട്രല്‍ കമ്മിറ്റിഅംഗം രഘുനാഥ് പറശ്ശിനിക്കടവ് സ്വാഗതം പറഞ്ഞു. പരിപാടിയുടെ ഘടനയെ കുറച്ച്പ്രോഗ്രാം കണ്‍വീനര്‍ അബ്ദുല്‍ ഖാദര്‍ മോച്ചേരി വിശദീകരിച്ചു. കണ്ണൂര്‍ ജില്ലാകമ്മിറ്റി പ്രസിഡന്റ് സന്തോഷ് ബാബു അധ്യക്ഷത പ്രസംഗവും സെക്രട്ടറി

ഹരീന്ദ്രന്‍ കയറ്റുവള്ളി നന്ദിയും പറഞ്ഞു.

സുജിത് തോട്ടട, ഹാഷിം പാപ്പിനിശ്ശേരി, അബ്ദുള്ള കൊറളായി, ഷഫീഖ് നാറാത്ത്,അബ്ദുള്‍ ജലീല്‍ ചെറുപുഴ, റെജു മധുക്കോത്ത്, ഹാഷിം കണ്ണാടിപറമ്പ്, അബ്ദുള്‍മുനീര്‍ ഇരിക്കൂര്‍ എന്നിവര്‍ പരിപാടിക്ക് നേതൃത്വം നല്‍കി.

ഫുഡ് സ്റ്റാള്‍ & മറ്റ് ഉല്‍പ്പന്ന/സേവന പ്രമോഷന്‍ സ്റ്റാളുകളുടെ ബുക്കിങ്ങിന്

0530623830 എന്ന നമ്പറില്‍ ബന്ധപ്പെടാം.

സ്വന്തം ലേഖകൻ