സ്‌കൂൾ ഗ്രൗണ്ടിലെ ഉപയോഗ്യ ശൂന്യമായ വൈദ്യുത പോസ്റ്റ് ദേഹത്തുവീണ് അഞ്ചാം ക്ലാസ്സുകാരൻ മരിച്ചു; അപകടം കോഴിക്കോട് മാതറ ഇസ്ലാമിക് റസിഡൻഷ്യൽ ഹയർ സെക്കൻഡറി സ്‌കൂളിൽ
കോഴിക്കോട്: വൈദ്യുതി പോസ്റ്റ് ദേഹത്തു വീണ് അഞ്ചാംക്ലാസുകാരന് ദാരുണാന്ത്യം. സ്‌കൂൾ ഗ്രൗണ്ടിലെ ഉപയോഗ ശൂന്യമായ വൈദ്യുത പോസ്റ്റ് ദേഹത്തുവീണാണ് അപകടം. കോഴിക്കോട് മാതറ ഇസ്ലാമിക് റസിഡൻഷ്യൽ ഹയർ സെക്കൻഡറി സ്‌കൂളിലാണ് സംഭവം. ആതിഷ് എന്ന വിദ്യാർത്ഥിയാണ് മരിച്ചത്. വെള്ളിയാഴ്ച രാവിലെ 9.30 ഓടെയായിരുന്നു അപകടം. സ്‌കൂൾ ബസ് പിന്നോട്ട് എടുക്കുന്നതിനിടെ വൈദ്യുത പോസ്റ്റിൽ തട്ടുകയും കൂട്ടുകാർക്കൊപ്പം കളിക്കുകയായിരുന്ന ആതിഷിന്റെ തലയിലേക്ക് പോസ്റ്റ് വീഴുകയുമായിരുന്നു. തുടർന്ന് ആതിഷ് ബോധരഹിതനായി. ആശുപത്രിയിലെത്തിച്ചെങ്കിലും രക്ഷിക്കാനായില്ല. കുട്ടിയെ ആശുപത്രിയിൽ കൊണ്ടുപോകുന്നതടക്കം ഗുരുതരമായ അനാസ്ഥയാണ് സ്‌കൂൾ അധികൃതരുടെ ഭാഗത്തുനിന്നുണ്ടായതെന്ന് ആരോപിച്ച് നാട്ടുകാർ പ്രതിഷേധം പ്രകടിപ്പിച്ചു. കുട്ടിയെ ആശുപത്രിയിൽ കൊണ്ടുപോകാൻ വാഹനം വിട്ടുനൽകിയില്ലെന്നും നാട്ടുകാർ പറഞ്ഞു.
കോഴിക്കോട്: വൈദ്യുതി പോസ്റ്റ് ദേഹത്തു വീണ് അഞ്ചാംക്ലാസുകാരന് ദാരുണാന്ത്യം. സ്‌കൂൾ ഗ്രൗണ്ടിലെ ഉപയോഗ ശൂന്യമായ വൈദ്യുത പോസ്റ്റ് ദേഹത്തുവീണാണ് അപകടം. കോഴിക്കോട് മാതറ ഇസ്ലാമിക് റസിഡൻഷ്യൽ ഹയർ സെക്കൻഡറി സ്‌കൂളിലാണ് സംഭവം.
ആതിഷ് എന്ന വിദ്യാർത്ഥിയാണ് മരിച്ചത്. വെള്ളിയാഴ്ച രാവിലെ 9.30 ഓടെയായിരുന്നു അപകടം. സ്‌കൂൾ ബസ് പിന്നോട്ട് എടുക്കുന്നതിനിടെ വൈദ്യുത പോസ്റ്റിൽ തട്ടുകയും കൂട്ടുകാർക്കൊപ്പം കളിക്കുകയായിരുന്ന ആതിഷിന്റെ തലയിലേക്ക് പോസ്റ്റ് വീഴുകയുമായിരുന്നു.
തുടർന്ന് ആതിഷ് ബോധരഹിതനായി. ആശുപത്രിയിലെത്തിച്ചെങ്കിലും രക്ഷിക്കാനായില്ല. കുട്ടിയെ ആശുപത്രിയിൽ കൊണ്ടുപോകുന്നതടക്കം ഗുരുതരമായ അനാസ്ഥയാണ് സ്‌കൂൾ അധികൃതരുടെ ഭാഗത്തുനിന്നുണ്ടായതെന്ന് ആരോപിച്ച് നാട്ടുകാർ പ്രതിഷേധം പ്രകടിപ്പിച്ചു. കുട്ടിയെ ആശുപത്രിയിൽ കൊണ്ടുപോകാൻ വാഹനം വിട്ടുനൽകിയില്ലെന്നും നാട്ടുകാർ പറഞ്ഞു.
