ഫേസ്‌ബുക്കും ഇൻസ്റ്റഗ്രാമും നിലച്ചു
ന്യൂഡൽഹി: മെറ്റായുടെ ഉടമസ്ഥതയിലുള്ള ഫേസ്‌ബുക്കിലും ഇൻസ്റ്റഗ്രാമിലും ഉപയോക്താക്കൾക്ക് തടസ്സം നേരിടുന്നു. ഇന്ത്യയിലെമ്പാടും നിന്നുള്ള ഉപയോക്താക്കൾ താനേ ലോഗ് ഔട്ടായി പോവുകയാണ്. പിന്നീട് അക്കൗണ്ടുകളിൽ ലോഗ് ഇൻ ചെയ്യാനും കഴിയുന്നില്ല. ഇതോടെ, എക്‌സിൽ ഫേസ്‌ബുക്ക് ഡൗൺ ഇൻസ്റ്റഗ്രാം ഡൗൺ ഹാഷ്ടാഗുകൾ ട്രെൻഡിങ്ങായി.
ഫേസ്‌ബുക്ക് പ്രവർത്തനം നിലച്ചതിന് പിന്നാലെ ഇൻസ്റ്റഗ്രാമും പ്രവർത്തന രഹിതമായി. ഇതിന് പിന്നാലെ സജീവമായിരിക്കുകയാണ് ട്വിറ്റർ. നിരവധി പേരാണ് വിഷയം ഉന്നയിച്ചത്. ലോഗൗട്ട് ചെയ്യാനുള്ള നിർദ്ദേശം നൽകുന്നുണ്ടെങ്കിലും പാസ്വേർഡ് നൽകി ലോഗിന് ശ്രമിക്കുമ്പോൾ ലോഗിൻ ചെയ്യാൻ കഴിയാതെ വരുന്നു. ഇൻസ്റ്റാഗ്രാമിൽ പുതിയ പോസ്റ്റുകളൊന്നും ലോഡാകുന്നില്ല. മെസഞ്ചർ,ത്രെഡ് എന്നിവയും പ്രവർത്തന രഹിതമായി.
ഡൗൺ ഡിറ്റക്റ്റർ എന്ന ഔട്ട്‌റേജ് ഡിറ്റക്റ്റിങ് പ്ലാറ്റ്‌ഫോമിൽ 77 ശതമാനത്തിലേറെ പേർ പ്രശ്നം റിപ്പോർട്ട് ചെയ്തു. 21 ശതമാനം പേർ വെബ്‌സൈറ്റുമായി ബന്ധപ്പെട്ട പ്രശ്നം നേരിടുന്നു.
ഔട്ട് റേജിനെ കുറിച്ച് മെറ്റ ഔദ്യോഗിക പ്രസ്താവന ഇറക്കിയിട്ടില്ല.
Mark Zuckerberg Currently ????????
— ???????????????????? ???????????????????????? ???????? (@nisar_ahemad45) March 5, 2024
#instagramdown #facebookdown#Instagram #Facebook pic.twitter.com/nfFZq4YCg8
That moment when #Facebook and #Instagram is down and everyone is checking X/Twitter for confirmation. ???? #facebookdown #instagramdown pic.twitter.com/WHRQlvlsOY
— Techverse (@intechverse) March 5, 2024
People coming to X to check if #facebook & #instagram is down or not ????#instagramdown #facebookdown pic.twitter.com/TExAjv1yJM
— Joy (@Oree_Discord) March 5, 2024
ആഴക്കടൽ കേബിളുകൾ തകരാറിലായതോ പ്രശ്നം?ചെങ്കടലിലെ ആഴക്കടൽ കേബിളുകൾ തകരാറിലായത് ടെലികോം കണക്ടിവിറ്റിയെ ബാധിച്ചതായി റിപ്പോർട്ടുകൾ ഉണ്ട്. ഇതാണോ ഫേസ്‌ബുകകും ഇൻസ്റ്റയും ഡൗണായതിന് പിന്നിലെന്ന് വ്യക്തമല്ല. ഏഷ്യ, യൂറോപ്പ്, മിഡിൽ ഈസ്റ്റ് പ്രദേശങ്ങൾക്കിടയിലുള്ള ഇന്റർനെറ്റ് ട്രാഫിക് ഉൾപ്പടെയുള്ള ടെലികമ്മ്യൂണിക്കേഷൻ ട്രാഫികിന്റെ നാലിലൊന്ന് മറ്റ് റൂട്ടുകളിലേക്ക് വഴിതിരിച്ചുവിടേണ്ടി വന്നു. നാല് പ്രധാന ടെലികോം നെറ്റ് വർക്കുകൾക്ക് കീഴിൽ വരുന്ന കേബിളുകളാണ് മുറിഞ്ഞുപോയത്.
ഏഷ്യ, യൂറോപ്പ്, മധ്യേഷ്യ എന്നിവിടങ്ങളിലെ ടെലികോം ട്രാഫികിന്റെ 25 ശതമാനത്തെ പ്രശ്നം ബാധിച്ചതായി ഹോങ്കോങ് ടെലികോം കമ്പനിയായ എച്ചിജിസി ഗ്ലോബൽ കമ്മ്യൂണിക്കേഷൻസ് പറഞ്ഞു. കേബിളുകളുടെ അറ്റകുറ്റപ്പണി അടുത്തൊന്നും നടക്കാനിടയില്ലെന്ന് കേബിളുകളുടെ ഉടമകളിലൊന്നായ ദക്ഷിണാഫ്രിക്കയിലെ സീകോം പറഞ്ഞു. കടലിൽ ഇത്തരം ജോലികൾ ചെയ്യുന്നതിന് ആവശ്യമായ അനുമതികൾ ലഭിക്കേണ്ടതുണ്ട്.
ആഗോള തലത്തിൽ ഇന്റർനെറ്റ് കണക്ടിവിറ്റി എത്തിക്കുന്നതിൽ ആഴക്കടൽ കേബിളുകൾക്ക് വലിയ പങ്കുണ്ട്. ഗൂഗിൾ, മൈക്രോസോഫ്റ്റ്, ആമസോൺ, മെറ്റ തുടങ്ങിയ കമ്പനികളെല്ലാം തന്നെ ഇതിൽ വലിയ നിക്ഷേപം നടത്തിയിട്ടുണ്ട്. ഇക്കാരണത്താൽ തന്നെ കേബിളുകളിലുണ്ടാകുന്ന തടസം ഇന്റർനെറ്റ് കണക്ടിവിറ്റിയേയും ബാധിച്ചേക്കും. 2006 ലെ തായ്ലാൻ ഭൂചലനത്തെ തുടർന്ന് അത്തരം പ്രശ്നം നേരിട്ടിരുന്നു.
കേബിളുകളിൽ തകരാറുണ്ടാക്കിയത് ഹൂതികളാണെന്ന ആരോപണം ഇസ്രയേലി മാധ്യമങ്ങൾ ഇതിനകം ഉന്നയിച്ചിട്ടുണ്ട്. എന്നാൽ ഹൂതി നേതാവ് അബ്ദെൽ മാലെക് അൽ ഹൂതി ഈ ആരോപണം നിഷേധിച്ചു. തെക്ക് കിഴക്കൻ ഏഷ്യയെ ഈജിപ്ത് വഴി യൂറോപ്പുമായി ബന്ധിപ്പിക്കുന്ന 25000 കിമീ കേബിൾ ശൃംഖലയും യൂറോപ്പ്-മധ്യേഷ്യ- ഇന്ത്യ എന്നിവിടങ്ങളെ ബന്ധിപ്പിക്കുന്ന യുറോപ്പ് ഇന്ത്യ ഗേറ്റ് വേയും തകരാറിലായിട്ടുണ്ട്. വോഡഫോൺ ആണ് ഇതിലെ പ്രധാന നിക്ഷേപകർ.
