ഐഫോണിനെയും സാംസങ്ങിനെയും വെല്ലുവിളിച്ച് ഷവോമി! 200 എംപി ക്യാമറയുമായി 17 അള്ട്ര; കണ്ണ് തള്ളിക്കുന്ന ഹൈപ്പര് കാറും സ്കൂട്ടറും; ബാഴ്സലോണയില് വിസ്മയം തീര്ത്ത് ചൈനീസ് കരുത്ത്!
ഐഫോണിനെയും സാംസങ്ങിനെയും വെല്ലുവിളിച്ച് ഷവോമി! 200 എംപി ക്യാമറയുമായി 17 അള്ട്ര
മൊബൈല് ഭീമന് ഷവോമി ബാഴ്സലോണയില് നടന്ന ഒരു പ്രത്യേക പരിപാടിയില് അടിപൊളി ഐഫോണ് ആക്സസറി ഉള്പ്പെടെ നിരവധി പുതിയ ഉല്പ്പന്നങ്ങള് പുറത്തിറക്കി. ഒരു ഹൈ-ടെക് സ്കൂട്ടര്, ഒരു സ്മാര്ട്ട്ഫോണ്, ഭാവിയിലെ ഒരു ഹൈപ്പര്കാര് ഇവ ചൈനീസ് ടെക് ഭീമന് പുറത്തിറക്കിയ പുതിയ ഗാഡ്ജെറ്റുകളുടെ ഒരു കൂട്ടം മാത്രമാണ്.
ഐഫോണ് 17 പ്രോ മാക്സിനും സാംസങ് ഗാലക്സി എസ് 26 അള്ട്രയ്ക്കും നേരിട്ടുള്ള എതിരാളിയായി രൂപകല്പ്പന ചെയ്തിരിക്കുന്ന പുതിയ ഷവോമി 17 അള്ട്ര ആയിരുന്നു ഇതിലെ പ്രധാന ആകര്ഷണം. വലുതും തിളക്കമുള്ളതുമായ 6.9 ഇഞ്ച് ഒലേഡ് ഡിസ്പ്ലേയാണ് ഇതിനുള്ളത്. ക്വാല്കോമിന്റെ സ്നാപ്ഡ്രാഗണ് 8 എലൈറ്റ് ജെന് 5 ചിപ്പ് ഇതില് പ്രവര്ത്തിക്കുന്നു.
കൂടാതെ 16 ജിബി റാമും 512 ജിബി സ്റ്റോറേജും ഈ മോഡലിന് ഉണ്ട്. കറുപ്പ്, വെള്ള, സ്പാര്ക്കിള് ഇഫക്റ്റുള്ള സ്റ്റാര്ലിറ്റ് ഗ്രീന് ഓപ്ഷന് എന്നിങ്ങനെ മൂന്ന് നിറങ്ങളില് ഇത് ലഭ്യമാണ്. സ്പാര്ക്കിള് ലെയര് ഉള്ച്ചേര്ത്ത അഞ്ച് വ്യത്യസ്ത പാളികളുള്ള കോമ്പോസിറ്റ് ഫൈബര്ഗ്ലാസ് ഉപയോഗിച്ചാണ് ഇത് നിര്മ്മിച്ചിരിക്കുന്നത്. എന്നാല് ഫോണിന്റെ ഏറ്റവും പ്രധാനപ്പെട്ട ഭാഗം അതിന്റെ ട്രിപ്പിള് ക്യാമറ മൊഡ്യൂളാണ്.
ഇത് ജര്മ്മന് ക്യാമറ ടൈറ്റാന് ലെയ്കയുമായി സഹകരിച്ച് നിര്മ്മിച്ചതാണ്. 50 മെഗാപിക്സല് ക്യാമറയാണിത്. കൂടാതെ 115 ഡിഗ്രി വ്യൂ ഫീല്ഡുള്ള 50 മെഗാപിക്സല് അള്ട്രാ-വൈഡ് ലെയ്ക ക്യാമറയും ഉണ്ട്. എന്നാല് ഏറ്റവും സവിശേഷമായത് 200 മെഗാപിക്സല് 75-100 എംഎം ടെലിഫോട്ടോ സൂം ക്യാമറയാണ്.
കൂടാതെ ഇതില് 50-മെഗാപിക്സല് സെല്ഫി ക്യാമറയും ഉണ്ട്. ഇത് ഷവോമി 17 അള്ട്രയുമായി ഏറെക്കുറെ സാമ്യമുള്ളതാണ്. പുതിയ മൊബൈലുകള്ക്ക് പുറമേ, ഷവോമി ഒരു ഐപാഡ് പ്രോ-എസ്ക്യൂ ഷവോമി പാഡ് 8 പ്രോയും പരിപാടിയില് പ്രദര്ശിപ്പിച്ചു. അടുത്തത് ഷവോമി ഇലക്ട്രിക് 6 അള്ട്രാ സ്കൂട്ടറാണ്. പേര് സൂചിപ്പിക്കുന്നത് പോലെ ഇത് ഒരു ഇലക്ട്രിക് സ്കൂട്ടറാണ്. എന്നാല് ഇത് 12 ഇഞ്ച് ഓള്-ടെറൈന് ടയറുകള്, ഉയര്ന്ന ഗ്രൗണ്ട് ക്ലിയറന്സ് എന്നിവയുമായി ഘടിപ്പിച്ചിരിക്കുന്നു.
ഇതിന് 75 കിലോമീറ്റര് ദൂരപരിധിയുണ്ട്, കൂടാതെ ട്രാക്ഷന് കണ്ട്രോളും, തിളക്കമുള്ള ഹെഡ്ലൈനുകളും, ടേണ് സിഗ്നലുകളും ഉണ്ട്.. അവസാനമായി, ഷവോമി വിഷന് ഗ്രാന് ടൂറിസ്മോ ഉണ്ട്, അത് ഒരു ഹൈപ്പര്കാര് ആണ്. ഷവോമി ഇതിനകം തന്നെ ചൈനയിലെ ജനപ്രിയ കാര് നിര്മ്മാതാവാണ്. അടുത്ത രണ്ട് വര്ഷത്തിനുള്ളില് അതിന്റെ ശ്രദ്ധേയമായ എസ്.യു സെവന് ഇലക്ട്രിക്ക് കാര് യൂറോപ്പിലുടനീളം പുറത്തിറങ്ങുമെന്ന് പ്രതീക്ഷിക്കപ്പെടുന്നു.
