ഞാൻ ഒരു കള്ളനാണ്; നിവർത്തികേടു കൊണ്ട് നിങ്ങളുടെ കുറച്ച് പണം എടുക്കുന്നു; എന്ന ശപിക്കരുത്; മാദ്ധ്യമ പ്രവർത്തകന്റെ വീട്ടിൽ കയറിയ കള്ളൻ എഴുതിവച്ചിട്ടു പോയ കുറിപ്പിലെ വിരലടയാളം നോക്കി പൊലീസ് പൊക്കിയത് മീശ മാധവനേക്കാൾ കരുത്തനായ തസ്‌കര വീരനെ
കോട്ടയം: രാഷ്ട്രദീപിക എഡിറ്റർ ഇൻ ചാർജ് അതിരമ്പുഴ ശ്രീകണ്ഠമംഗലം മൂലേക്കരിയിൽ ജോസ് ആൻഡ്രൂസിന്റെ വീട്ടിലെ മോഷണത്തിന് തുമ്പുണ്ടാക്കിയത് കള്ളനെഴുതിയ കുറിപ്പ്. ഞാനൊരു കള്ളനാണ്. ദയവായി ശപിക്കരുത്. നിവൃത്തികേടുകൊണ്ട് നിങ്ങളുടെ കുറച്ചുപൈസ എടുക്കുന്നു....ക്ഷമിക്കണം!' ഓണാവധിക്ക് വീടുപൂട്ടി കുടുംബസമേതം വിനോദയാത്ര പോയ കുടുംബം വീട്ടിലെത്തിയപ്പോൾ ആദ്യം കണ്ടത് ഈ കുറിപ്പാണ്. അലമാര തുറന്നു നോക്കിയപ്പോൾ പറയുന്നതെല്ലാം ശരിയാണെന്നും വ്യക്തമായി. തൊടുപുഴയ്ക്കടുത്ത് കോലാനി പാറക്കടവ് ഭാഗത്ത് പഴയലക്ഷംവീടു കോളനിയിലെ തൃക്കയിൽ ടിഎസ് സെൽവകുമാറെന്ന സുരേഷായിരുന്നു കള്ളൻ. കത്തിലെ വിരലടയാളമാണ് പൊലീസിന് തുണയായത്. മീശ മാധവൻ സിനിമയിലെ കള്ളനെ വെല്ലുന്ന കഥയാണ് ഇതോടെ പുറത്തുന്നവത്. മീശമാധവൻ എന്തെങ്കിലുമൊന്നിൽ നോട്ടമിട്ട് മീശപിരിച്ചാൽ അത് പൊക്കിയിരിക്കുമെന്ന് പറഞ്ഞതുപോലെ സെൽവകുമാറിനുമുണ്ടൊരു നിശ്ചയദാർഢ്യം. കയറണമെന്ന് തീരുമാനിച്ചാൽ ഏതുവീട്ടിലും കയറിയിരിക്കും. കഴിഞ്ഞ രണ്ടുവർഷത്തിനിടെമാത്രം അഞ്ചിലേറെ മോഷണങ്ങളിലായി അൻപത് ലക്ഷത്തിലധ
കോട്ടയം: രാഷ്ട്രദീപിക എഡിറ്റർ ഇൻ ചാർജ് അതിരമ്പുഴ ശ്രീകണ്ഠമംഗലം മൂലേക്കരിയിൽ ജോസ് ആൻഡ്രൂസിന്റെ വീട്ടിലെ മോഷണത്തിന് തുമ്പുണ്ടാക്കിയത് കള്ളനെഴുതിയ കുറിപ്പ്. ഞാനൊരു കള്ളനാണ്. ദയവായി ശപിക്കരുത്. നിവൃത്തികേടുകൊണ്ട് നിങ്ങളുടെ കുറച്ചുപൈസ എടുക്കുന്നു....ക്ഷമിക്കണം!' ഓണാവധിക്ക് വീടുപൂട്ടി കുടുംബസമേതം വിനോദയാത്ര പോയ കുടുംബം വീട്ടിലെത്തിയപ്പോൾ ആദ്യം കണ്ടത് ഈ കുറിപ്പാണ്. അലമാര തുറന്നു നോക്കിയപ്പോൾ പറയുന്നതെല്ലാം ശരിയാണെന്നും വ്യക്തമായി.
തൊടുപുഴയ്ക്കടുത്ത് കോലാനി പാറക്കടവ് ഭാഗത്ത് പഴയലക്ഷംവീടു കോളനിയിലെ തൃക്കയിൽ ടിഎസ് സെൽവകുമാറെന്ന സുരേഷായിരുന്നു കള്ളൻ. കത്തിലെ വിരലടയാളമാണ് പൊലീസിന് തുണയായത്. മീശ മാധവൻ സിനിമയിലെ കള്ളനെ വെല്ലുന്ന കഥയാണ് ഇതോടെ പുറത്തുന്നവത്. മീശമാധവൻ എന്തെങ്കിലുമൊന്നിൽ നോട്ടമിട്ട് മീശപിരിച്ചാൽ അത് പൊക്കിയിരിക്കുമെന്ന് പറഞ്ഞതുപോലെ സെൽവകുമാറിനുമുണ്ടൊരു നിശ്ചയദാർഢ്യം. കയറണമെന്ന് തീരുമാനിച്ചാൽ ഏതുവീട്ടിലും കയറിയിരിക്കും. കഴിഞ്ഞ രണ്ടുവർഷത്തിനിടെമാത്രം അഞ്ചിലേറെ മോഷണങ്ങളിലായി അൻപത് ലക്ഷത്തിലധികം രൂപ സമ്പാദിക്കുകയും ആർഭാടമായി ചെലവഴിക്കുകയും ചെയ്തിട്ടുണ്ട്.
സ്വർണവും പണവുമുൾപ്പടെ മോഷ്ടിച്ചെടുത്ത് ആഡംബര ജീവിതം നയിക്കും. സ്ഥിരമായി ഒരിടത്തും താമസിക്കില്ല. രാപകൽ ഭേദമില്ലാതെ യാത്രചെയ്ത് ആളില്ലാത്ത വീടുകൾ കണ്ടെത്തും. പലതവണ ജയിലിൽകിടന്നിട്ടും നിരവധി മോഷ്ടാക്കളെ കാണുകയും പരിചയപ്പെടുകയും ചെയ്തിട്ടും ഒറ്റയ്ക്കായിരുന്നു യാത്ര. കൂട്ടാളിയുണ്ടായാൽ റിസ്‌ക് കൂടും. എപ്പോഴെങ്കിലും തമ്മിൽ കലഹിച്ചാൽ എല്ലാം പൊളിയും. അതുകൊണ്ട് ഏകാന്തത കൂടുതൽ സുരക്ഷിതമെന്ന് മനസിലാക്കി. മോഷ്ടിച്ചെടുക്കുന്ന പണംകൊണ്ട് അടിച്ചുപൊളിച്ചുജീവിക്കും.
9 വയസുവരെയുള്ള ബാല്യകാലം കോട്ടയം കുമാരനല്ലൂരിലായിരുന്നു. മാതാപിതാക്കളും നാലു സഹോദരിമാരുമുണ്ട്. അവിവാഹിതൻ. ഇരുപതാം വയസിൽ തൊഴിൽരംഗത്ത്' പ്രശോഭിച്ചുതുടങ്ങി. നിരവധി തവണപിടിക്കപ്പെട്ടു. വിയ്യൂർ, കാക്കനാട്, പൂജപ്പുര തുടങ്ങിയ ജയിലുകളിൽ 9 വർഷത്തോളം ശിക്ഷയനുഭവിച്ചിട്ടുണ്ട്. 100 രൂപയുടെ സാധനത്തിന് ചിലപ്പോൾ ആയിരങ്ങൾ എടുത്ത് വീശിയെന്നിരിക്കും. ലൈംഗികതൊഴിലാളികളായ സ്ത്രീകളുമായി ഇടപാടുകളുണ്ട്. ഇഷ്ടപ്പെട്ടാൽ അവർക്കും കൊടുക്കും ആയിരങ്ങൾ. കീശകാലിയാകുന്ന മുറയ്ക്ക് അടുത്തമോഷണം നടത്തും.
ഇന്ന് കോടതിയിൽ ഹാജരാക്കുന്ന പ്രതിയെ കസ്റ്റഡിയിൽ വാങ്ങി വിശദമായി ചോദ്യം ചെയ്യാനാണ് പൊലീസിന്റെ തീരുമാനം. ഇതുകൂടി കഴിഞ്ഞാലേ സെൽവകുമാറിന്റെ വിശ്വരൂപം വ്യക്തമാകുകയുള്ളു.
