ധോണി വന്നതോട് കൂടി ഞാന്‍ ഒരു ഓന്തിനെ പോലെയായി; ഫോര്‍മാറ്റിലെയും നായകനാകാന്‍ ധോണിക്ക് അധികം സമയം വേണ്ടിവന്നില്ല; തുറന്നു പറച്ചിലുമായി ദിനേശ് കാര്‍ത്തിക്
ധോണി വന്നതോട് കൂടി ഞാന്‍ ഒരു ഓന്തിനെ പോലെയായി
മുംബൈ: എംഎസ് ധോണിയുടെ കടന്നുവരവോടെ അന്താരാഷ്ട്ര ക്രിക്കറ്റില്‍ കൂമ്പടഞ്ഞു പോയ നിരവധി താരങ്ങളുണ്ട്. ദിനേഷ് കാര്‍ത്തിക് അടക്കമുള്ളവരാണ് ഇത്തരക്കാര്‍. ഇന്ത്യന്‍ ക്രിക്കറ്റില്‍ ഏതെങ്കിലും സ്ഥാനം ലഭിക്കാന്‍ വേണ്ടി ഒരു ഓന്തിനെ പോലെ തന്റെ റോളുകള്‍ മാറ്റിക്കൊണ്ടിരുന്നു എന്ന് കാര്ത്തിക്ക് പറഞ്ഞു.
ഇന്ത്യയുടെ വിക്കറ്റ് കീപ്പറാകാന്‍ സാധ്യത കല്‍പിച്ച താരമായിരുന്നു കാര്ത്തിക്ക് എന്നാല്‍ പിന്നീട് ധോണി വരുകയും അദ്ദേഹം ആ സ്ഥാനം ഉറപ്പിക്കുകയുമായിരുന്നു. 2004 മുതല്‍ 2010 വരെ ഇന്ത്യന്‍ ഏകദിന ടീമിലുണ്ടായിരുന്നുവെങ്കിലും സ്ഥിരമാകാന്‍ കാര്‍ത്തിക്കിന് സാധിച്ചില്ല. പിന്നാലെ ടീമില്‍ നിന്നും പുറത്താകുകയും ചെയ്തു. എന്നാല്‍ മറുവശത്ത് ധോണി ഇന്ത്യയുടെ നായകനായി.
'അതുപോലെ ഒരാള്‍ വരുമ്പോള്‍ നിങ്ങള്‍ സ്വയം പരിശോധിക്കണം. നിങ്ങളുടെ മികച്ചതിനെ കൊണ്ടുവരാന്‍ എന്താണ് ചെയ്യേണ്ടതെന്ന് അറിഞ്ഞിരിക്കേണ്ടതുണ്ട്. ഇതിനാല്‍ ഞാന്‍ ഒരു ഓന്തിനെ പോലെയായി. ഓപ്പണിങ്ങില്‍ സ്ഥാനമുണ്ടെന്ന് കണ്ടാല്‍ അപ്പോള്‍ തന്നെ ഞാന്‍ തമിഴ്നാട് ക്രിക്കറ്റില്‍ ഓപ്പണിങ് പൊസിഷനുണ്ടോ എന്ന് നോക്കും, എന്നിട്ട് ചോദിക്കും സാര്‍ ഓപ്പണിങ്ങില്‍ കളിക്കാമോ? എനിക്ക് അവിടെ റണ്‍സ് നേടാന്‍ സാധിക്കും.
മിഡില്‍ ഓര്‍ഡറില്‍ സ്ഥലമുണ്ടായിരുന്നുവെങ്കിലും ഞാന്‍ അവിടെ കളിക്കട്ടെ എന്ന് ചോദിക്കും. എങ്ങനെയെങ്കിലും ടീമിലെത്താന്‍ വേണ്ടിയുള്ള ശ്രമം തുടര്‍ന്നു. എന്നാല്‍ അത് നിലനിര്‍ത്തുന്നതായിരുന്നു യഥാര്‍ത്ഥ വെല്ലുവിളി. ആ സമയത്ത് ഞാന്‍ സ്വയം ഒരുപാട് പ്രഷറിലായി.
