കാഴ്ചപരിമിതരുടെ ഇന്ത്യന്‍ ക്രിക്കറ്റ് ടീമില്‍ മലയാളി താരം; ജിബിന്‍ പ്രകാശ് കളിക്കുക ബംഗ്ലാദേശിനെതിരായ പരമ്പരയില്‍

കൊച്ചി: മലയാളി താരം ജിബിന്‍ പ്രകാശ് കാഴ്ചപരിമിതരുടെ ഇന്ത്യന്‍ ക്രിക്കറ്റ് ടീമില്‍. ഫെബ്രുവരി 22ന് ആരംഭിക്കുന്ന ബംഗ്ലാദേശിനെതിരായ പരമ്പരയിലേക്കാണ് ജിബിനെ തെരഞ്ഞെടുത്തത്. യെലഹംഗയിലെ മണിപ്പാല്‍ അക്കാദമി ഓഫ് ഹയര്‍ എജ്യുക്കേഷന്‍ ഗ്രൗണ്ടിലാണ് മത്സരങ്ങള്‍.

തൃശൂര്‍ കോട്ടപ്പുറം സ്വദേശിയായ ജിബിന്‍ പ്രകാശ് കേരള വര്‍മ്മ കോളേജിലെ മൂന്നാം വര്‍ഷ ഹിസ്റ്ററി ബിരുദ വിദ്യാര്‍ഥിയാണ്. ദീര്‍ഘ നാളായി കാഴ്ചപരിമിതരുടെ കേരള ടീമില്‍ അംഗമാണ്. 2023ലെ നാഗേഷ് ട്രോഫിയില്‍ കേരളത്തിനായി കളിച്ചിട്ടുണ്ട്.