നിയമവിരുദ്ധ ആക്ഷന്‍; ബംഗ്ലാദേശ് താരം ഷാകിബ് അല്‍ ഹസന് അന്താരാഷ്ട്ര, ആഭ്യന്തര മത്സരങ്ങളില്‍ ബൗളിങ് വിലക്ക്; ബംഗ്ലാദേശിന് പുറത്തുള്ള ആഭ്യന്തര ക്രിക്കറ്റ് മത്സരങ്ങളിലും വിലക്ക് ബാധകം
ന്യൂഡല്‍ഹി: ബംഗ്ലാദേശ് താരം ഷാകിബ് അല്‍ ഹസന് അന്താരാഷ്ട്ര, ആഭ്യന്തര മത്സരങ്ങളില്‍ ബൗളിങ് വിലക്ക്. നിയമ വിരുദ്ധമായ ബൗളിങ് ആക്ഷന്‍ ചൂണ്ടിക്കാട്ടിയാണ് നടപടി. നിയമവിരുദ്ധമായ ബൗളിങ് ആക്ഷന്റെ പേരില്‍ ഇംഗ്ലണ്ട് ആന്‍ഡ് വെയില്‍സ് ക്രിക്കറ്റ് ബോര്‍ഡ് (ഇസിബി) ഷാകിബിന് ബൗളിങ്ങില്‍ വിലക്കേര്‍പ്പെടുത്തിയിരുന്നു.
നിയമവിരുദ്ധമായ ബൗളിങ് ആക്ഷനില്‍ ഐസിസിയുടെ ചട്ടങ്ങളിലെ 11.3 വകുപ്പ് പ്രകാരം, ഒരു ബൗളറെ ഏതെങ്കിലും ദേശീയ ഫെഡറേഷന്‍ ആഭ്യന്തര മത്സരങ്ങളില്‍ സസ്പെന്‍ഡ് ചെയ്താല്‍ മറ്റിടങ്ങളിലും അത് ബാധകമാവും. സെപ്റ്റംബറില്‍ ഇംഗ്ലണ്ടില്‍ ഇംഗ്ലീഷ് കൗണ്ടി ക്രിക്കറ്റില്‍ കളിക്കുന്നതിനിടെയാണ് സംശയാസ്പദമായ ബൗളിംഗ് ആക്ഷന്റെ പേരില്‍ ഷാക്കിബിന് ആദ്യം വിലക്കേര്‍പ്പെടുത്തീയത്. ഇതോടെ ബംഗ്ലാദേശിന് പുറത്തുള്ള ആഭ്യന്തര ക്രിക്കറ്റ് മത്സരങ്ങളിലും അന്താരാഷ്ട്ര ബൗളിംഗിലും താരത്തിന് വിലക്കുണ്ടാകും.
447 അന്താരാഷ്ട്ര മത്സരങ്ങളില്‍ നിന്ന് 712 വിക്കറ്റുകള്‍ ഷാകിബ് നേടിട്ടുണ്ട്. ടെസ്റ്റില്‍ 246,ഏകദിനത്തില്‍ 317, ടി20ഐ ഫോര്‍മാറ്റില്‍ 149 വിക്കറ്റുകളും ഷാകിബ് നേടി.
