'അവനെക്കാണാന്‍ എന്റെ സഹോദരനെപ്പോലെ, ഞാനദ്ദേഹത്തെ ഒരുപാട് സ്‌നേഹിക്കുന്നു'; 'ഫാദേഴ്‌സ് ഡേ'യിൽ വിരാട് കോലിക്ക് ആശംസകളുമായി വാമിക; വൈറലായി ആശംസ കുറിപ്പ്
ഡൽഹി: ഡൽഹി: ഇന്ത്യന്‍ ക്രിക്കറ്റ് താരം വിരാട് കോലിക്ക് ആശംസകളറിയിച്ചുകൊണ്ടുള്ള മകള്‍ വാമിക കുറിച്ച വരികള്‍ ഏറ്റെടുത്ത് സോഷ്യൽ മീഡിയ. ജൂണ്‍ 15 ഫാദേഴ്‌സ് ഡേ ആയി ആചരിക്കുന്നതിന്റെ ഭാഗമായാണ് കോലിക്ക് ആശംസകള്‍ നേര്‍ന്നുകൊണ്ട് വാമിക കുറിപ്പെഴുതിയിരിക്കുന്നത്. ഭാര്യയും ബോളിവുഡ് താരവുമായ അനുഷ്ക ശർമയാണ് ആശംസാകുറിപ്പ് കുറിപ്പിന്റെ ചിത്രങ്ങള്‍ സോഷ്യല്‍മീഡിയയില്‍ പങ്കുവെച്ചത്. കുറിപ്പ് ഇപ്പോൾ സമൂഹ മാധ്യമങ്ങളിലടക്കം വലിയ ചർച്ചയായിരിക്കുകയാണ്.
തന്റെ അച്ഛനും ഭര്‍ത്താവ് കോലിക്കും ആശംസകള്‍ നേര്‍ന്നുകൊണ്ടൊണ് അനുഷ്ക പോസ്റ്റ് പങ്കുവെച്ചത്. പിതാവ് അജയ് കുമാര്‍ ശര്‍മയുടെ ചിത്രവും മകള്‍ വാമിക കോലിക്ക് എഴുതിയ കുറിപ്പിന്റെ ചിത്രവുമാണ് പോസ്റ്റിലുള്ളത്. ഞാന്‍ ആദ്യമായി സ്‌നേഹിച്ച പുരുഷനും ഞങ്ങളുടെ മകള്‍ ആദ്യമായി സ്‌നേഹിച്ച പുരുഷനും, ലോകമെമ്പാടുമുള്ള എല്ലാ പിതാക്കന്മാര്‍ക്കും പിതൃദിനാശംസകള്‍ എന്നായിരുന്നു ചിത്രങ്ങൾക്ക് അനുഷ്ക അടിക്കുറിപ്പായി അനുഷ്ക എഴുതിയത്.
'അവനെക്കാണാന്‍ എന്റെ സഹോദരനെപ്പോലെയാണ്. തമാശക്കാരനാണ്. എന്നെ ഇക്കിളിയാക്കുന്നയാളാണ്. ഞാന്‍ അദ്ദേഹത്തോടൊപ്പം മേക്കപ്പിട്ട്‌ കളിക്കാറുണ്ട്. ഞാനദ്ദേഹത്തെ ഒരുപാട് സ്‌നേഹിക്കുന്നു. അദ്ദേഹമെന്നെ ഇത്രയേറെ സ്‌നേഹിക്കുന്നു (കൈകള്‍ വിടര്‍ത്തിക്കൊണ്ട്). ഫാദേഴ്‌സ് ഡേ ആശംസകള്‍' എന്നാണ് കുറിപ്പില്‍ എഴുതിയിരിക്കുന്നത്. വാമിക തന്റെ കൈപ്പടയിലാണ് വാമിക എന്ന പേര് എഴുതിയിരിക്കുന്നത്. ആരധകരുടെയടക്കം മനം കവർന്നിരിക്കുന്നയാണ് കുറിപ്പിലെ വാക്കുകൾ.
നിരവധി പേരാണ് അനുഷ്‌കയുടെ സോഷ്യല്‍മീഡിയാ പോസ്റ്റിന് കമന്റുകളുമായെത്തിയത്. വാമിക തന്റെ പേര് എഴുതിയതു കണ്ട ആരാധകരില്‍ പലരും അത് എടുത്തുപറഞ്ഞുകൊണ്ടാണ് കമന്റുകള്‍ കുറിച്ചത്. 2017ലാണ് അനുഷ്‌കയ്ക്കും വിരാട് കോലിയും വിവാഹിതരാകുന്നത്. ദമ്പതികൾക്ക് രണ്ട് മക്കളാണുള്ളത്. ഇതില്‍ മുതിര്‍ന്ന കുട്ടിയാണ് വാമിക. 2021 ജനുവരി 11-നാണ് വാമിക ജനിച്ചത്.
കഴിഞ്ഞവര്‍ഷം ഫെബ്രുവരി 14-നാണ് ആണ്‍കുട്ടി അകായ് ജനിച്ചത്. 18 വര്‍ഷത്തെ കാത്തിരിപ്പിനൊടുവില്‍ ബെംഗളൂരു റോയല്‍ ചലഞ്ചേഴ്സിന്റെ 18-ാം നമ്പര്‍ ജഴ്സിയില്‍ വിരാട് കോലി കിരീടമുയര്‍ത്തിയ വാർത്തകൾ ചര്‍ച്ചയാക്കി ദിവസങ്ങള്‍ പിന്നിട്ടപ്പോഴാണ് മറ്റൊരു ഹൃദ്യമായ കുറിപ്പ് അനുഷ്ക ആരാധകര്‍ക്ക് മുന്നിലേക്ക് എത്തിച്ചിരിക്കുന്നത്.
