ഫുട്ബോൾ മിശിഹായെ അടുത്ത് കാണാൻ പറ്റുമോ?; അർജന്റീന ഫുട്ബോൾ ടീം കേരളത്തിലേക്ക്; അനുമതി കിട്ടിയതായി സൂചനകൾ; അടുത്ത വർഷം ടീം കേരളത്തിലെത്തും; ആവേശത്തിൽ കേരളക്കര; മെസ്സി ഉണ്ടാകുമോയെന്ന് ആരാധകർ; നിർണ്ണായക പ്രഖ്യാപനം നാളെ..!
തിരുവനന്തപുരം: ഒടുവിൽ കേരളക്കര ഒന്നടങ്കം കാത്തിരുന്ന നിമിഷം എത്തിയിരിക്കുന്നു. ലോക നമ്പർ വൺ ഫുട്ബാൾ ടീമായ അർജന്റീന ഫുട്ബോൾ ടീം കേരളത്തിലേക്കെന്ന് സൂചനകൾ. അടുത്ത വർഷം ടീം കേരളത്തിലെത്തും എന്നാണ് വിവരങ്ങൾ ലഭിക്കുന്നത്. അർജന്റീന ഫുട്ബോൾ അസോസിയേഷൻ അനുമതി കിട്ടിയയെന്നും സൂചനകൾ ഉണ്ട്.
വിവരങ്ങൾ പുറത്തുവന്നതോടെ മെസ്സി ടീമിൽ ഉണ്ടാകുമോ എന്ന ആരാധകരുടെ ചോദ്യവും ഉയരുന്നുണ്ട്. ഇത് സംബന്ധിച്ച് നാളെ നിർണ്ണായക പ്രഖ്യാപനം ഉണ്ടാകുമെന്നും അറിയിപ്പുണ്ട്. ലയണൽ മെസ്സിയും കേരളത്തിലേക്ക് വരുമോ എന്ന കാര്യത്തില്‍ അർജന്റീന ഫുട്ബോൾ അസോസിയേഷൻ അന്തിമ തീരുമാനം എടുക്കും. കേരളത്തിൽ രണ്ട് മത്സരങ്ങൾ ഉണ്ടാവാനാണ് സാധ്യത.
അര്‍ജന്‍റീന ദേശീയ ടീമും ഏഷ്യയിലെ പ്രഖുഖ ടീമുമായും മത്സരത്തിന് സാധ്യതയുണ്ട്. സ്പോൺസർ വഴിയായിരുന്നു യാത്ര ചെലവ് കണ്ടെത്തുക. ഫുട്ബോൾ ടീം കേരളത്തിൽ വരുന്നു എന്ന കേട്ടപാടെ ആരാധകർ ഒന്നടങ്കം ആവേശത്തിലാണ്.
