ലാറ്റിന്‍ അമേരിക്കയില്‍ നിന്നും യൂറോപ്പിലേക്ക് വന്‍ തോതില്‍ മയക്കുമരുന്ന് കടത്തി; മുന്‍ ബെല്‍ജിയം ഫുട്‌ബോള്‍ താരം റഡ്ജ നൈന്‍ഗോലൻ അറസ്റ്റില്‍; 3,70,000 യൂറോയിലധികം പണവും ആഡംബര വസ്തുക്കളും, തോക്കും പോലീസ് കണ്ടെടുത്തു
ബ്രസല്‍സ്: മുന്‍ ബെല്‍ജിയം ഫുട്‌ബോള്‍ താരം കൊക്കെയ്ന്‍ കടത്ത് കേസില്‍ അറസ്റ്റിലായി. റഡ്ജ നൈന്‍ഗോലനാണ് പിടിയിലായത്. ഇയാള്‍ ലാറ്റിന്‍ അമേരിക്കയില്‍ നിന്നും യൂറോപ്പിലേക്ക് വന്‍ തോതില്‍ മയക്കുമരുന്ന് കടത്തിയ സംഘത്തിനൊപ്പമാണ് ഉണ്ടായിരുന്നത്. 2.7 കിലോ കൊക്കെയ്ന്‍ ഇവരില്‍ നിന്നും കണ്ടെടുത്തു. ബ്രസല്‍സ് ഫെഡറല്‍ പൊലീസാണ് നൈന്‍ഗോലനടക്കമുള്ളവരെ അറസ്റ്റ് ചെയ്തത്.
സംഭവത്തില്‍ നാന്‍ഗോലനടക്കം 16 പേരാണ് അറസ്റ്റിലായത്. ബ്രസല്‍സ് പബ്ലിക് പ്രോസിക്യൂട്ടര്‍ ആണ് ലഹരിക്കേസ് സംബന്ധിച്ച പ്രസ്താവന പുറപ്പെടുവിച്ചിരിക്കുന്നത്. ബ്രസ്സല്‍സ് ഫെഡറല്‍ പോലീസിലെ ഉദ്യോഗസ്ഥര്‍ തിങ്കളാഴ്ച രാവിലെ പ്രതികള്‍ക്കായുള്ള തിരച്ചില്‍ നടത്തിയിരുന്നു. കൊക്കെയ്‌നൊപ്പം പണവും വന്‍തോതില്‍ ആഡംബര വസ്തുക്കളും പിടിച്ചെടുത്തു.
3,70,000 യൂറോയിലധികം പണവും നിരവധി ആഡംബര വാച്ചുകളും, ആഭരണങ്ങളും സ്വര്‍ണ്ണ നാണയങ്ങളും പിടിച്ചെടുത്തവയില്‍ ഉള്‍പ്പെടും. ഇതിന് പുറമെ രണ്ട് ബുള്ളറ്റ് പ്രൂഫ് വസ്ത്രങ്ങളും മൂന്ന് തോക്കുകളും പോലീസ് കണ്ടെടുത്തിട്ടുണ്ട്. നേരത്തെ, കൊക്കെയ്ന്‍ കടത്തുമായി നൈന്ഗോലന് ബന്ധമുണ്ട്. ഒരു സ്വകാര്യ എയര്‍ക്രാഫ്റ്റ് കമ്പനിയിലെ മിഡ്ഫീല്‍ഡറുടെ ബിസിനസ്സ് പങ്കാളി തീവ്രവാദ ഗ്രൂപ്പായ ഹിസ്ബുള്ളയ്ക്ക് വേണ്ടി മയക്കുമരുന്ന് കടത്തിയതിന് കുറ്റക്കാരനാണെന്ന് കണ്ടെത്തിയതായി റിപ്പോര്‍ട്ടുകള്‍ പറയുന്നു.
അടുത്തിടെ, ആന്റ്വെര്‍പ്പിന്റെ രാത്രി ജീവിതത്തിനിടയില്‍, മയക്കുമരുന്ന് വ്യാപാരവുമായി ബന്ധപ്പെട്ട വ്യക്തികളുമായി നൈന്‍ഗോലനെ പതിവായി കാണാറുണ്ടായിരുന്നതായാണ് വിവരം. മുന്‍ ഇന്റര്‍ മിലാന്‍, റോമ താരമായ നൈന്ഗോലന് നിലവില്‍ ബെല്‍ജിയം ടീം കെഎസ്സി ലോകറന്‍ ടെംസെ താരമാണ്. 2018 വരെ ബെല്‍ജിയം ദേശീയ ടീമിനായും 36കാരന്‍ കളത്തിലിറങ്ങി.ബെൽജിയൻ ടീമായ ലോകറെൻ-ടെംസെയ്ക്കുവേണ്ടിയാണ് താരം ഇപ്പോൾ കളിക്കുന്നത്.
