ഇന്തോനേഷ്യൻ ഓപൺ ബാഡ്മിന്റൺ: ഇന്ത്യയുടെ പി.വി സിന്ധു പുറത്ത്

ജക്കാർത്ത: ഇന്തോനേഷ്യൻ ഓപൺ ബാഡ്മിന്റൺ ചാമ്പ്യൻഷിപ്പിൽനിന്ന് ഇന്ത്യൻ പ്രതീക്ഷയായിരുന്ന പി.വി സിന്ധു പുറത്ത്. പ്രീ ക്വാർട്ടറിൽ ചൈനീസ് തായ് പേയിയുടെ തായ് സു യിങ് ആണ് സിന്ധുവിനെ പരാജയപ്പെടുത്തിയത്. നേരിട്ടുള്ള ഗെയിമുകൾക്ക് രണ്ടുതവണ ഒളിമ്പിക്‌സ് മെഡൽ നേടിയ ഇന്ത്യൻ താരത്തെ തകർത്തുവിട്ടത്. സ്‌കോർ: 21-18, 21-16.

തുടക്കത്തിലേ താളം കണ്ടെത്താൻ വിഷമിച്ച സിന്ധു പിന്നീട് പൊരുതിക്കയറി ആദ്യ ഗെയിമിൽ ഒപ്പത്തിനൊപ്പം നിന്നെങ്കിലും വിജയം സു യിങ്ങിനൊപ്പം നിന്നു. രണ്ടാം ഗെയിമിൽ കാര്യമായ വെല്ലുവിളിയുയർത്താൻ സിന്ധുവിനായുമില്ല. സ്‌പെയിനിന്റെ കരോലിന മരിൻ ആണ് ക്വാർട്ടറിൽ തായ് സു യിങ്ങിന്റെ എതിരാളി.