'ഐ ക്യാം ഫോർ...എവരിബഡി...എവരിബഡി..!!'; യുഎഫ്സി റിങ്ങുകളിൽ കൊടുംകാറ്റടിക്കാൻ ഇനി മണിക്കൂറുകൾ മാത്രം; മിഡിൽ‌വെയ്റ്റ് ചാമ്പ്യൻഷിപ്പ് വിഭാഗത്തിൽ ഡു പ്ലെസ്സിയും ഖാംസത് ചിമയേവും തമ്മിൽ ഏറ്റുമുട്ടും; കടുത്ത ആകാംക്ഷയിൽ ആരാധകർ
ചിക്കാഗോ: മിഡിൽ‌വെയ്റ്റ് ചാമ്പ്യൻ ഡ്രിക്ക്‌സ് ഡു പ്ലെസ്സിയും ഖാംസത് ചിമയേവും തമ്മിൽ ഏറ്റുമുട്ടും. ഇതോടെ ചിക്കാഗോയിൽ 2019ന് ശേഷം നടക്കുന്ന ആദ്യത്തെ UFC ഇവന്റിനാണ് ആരാധകർ സാക്ഷ്യം വഹിക്കാൻ പോകുന്നത്. 23 വിജയങ്ങളും 2 തോൽവികളും നേടിയ ഡു പ്ലെസ്സിയുടെ മൂന്നാമത്തെ കിരീട ത്തിന് വേണ്ടിയാണ് റിങ്ങിൽ വേട്ടയ്ക്ക് ഇറങ്ങുന്നത്.
2024 ജനുവരിയിൽ നടന്ന യുഎഫ്സി 297-ൽ സീൻ സ്ട്രിക്ക്ലാൻഡിനെ തോൽപ്പിച്ച് മിഡിൽ‌വെയ്റ്റ് കിരീടം നേടിയ ഡു പ്ലെസ്സി, 2024 ഓഗസ്റ്റിൽ യുഎഫ്സി 305-ൽ ഇസ്രായേലിൽ നിന്നുള്ള അഡെസന്യയെയും 2025 ഫെബ്രുവരിയിൽ യുഎഫ്സി 312-ൽ സീൻ സ്ട്രിക്ക്ലാൻഡിനെ വീണ്ടും നേരിട്ട് തോൽപ്പിച്ചു.
അതുപോലെ, 14-0 എന്ന റെക്കോർഡുള്ള ചിമയേവ് തൻ്റെ ആദ്യ യുഎഫ്സി കിരീടം ലക്ഷ്യമിടുകയാണ്. 2024 ഒക്ടോബറിൽ നടന്ന മത്സരത്തിൽ മുൻ മിഡിൽ‌വെയ്റ്റ് ചാമ്പ്യൻ റോബർട്ട് വിറ്റാക്കറെ ആദ്യ റൗണ്ടിൽ കീഴടക്കിയ ചിമയേവിൻ്റെ വിജയം ഈ മത്സരത്തെ കൂടുതൽ ആവേശകരമാക്കുന്നു.
ഓഗസ്റ്റ് 16 ശനിയാഴ്ച രാത്രി 10 മണിക്ക് (ET) തുടങ്ങുന്ന UFC 319-ലെ പ്രധാന പോരാട്ടം ഏകദേശം പുലർച്ചെ 12:05-നാണ് (ET) പ്രതീക്ഷിക്കുന്നത്. ഇത് പൂർണ്ണമായും അണ്ടർ കാർഡിൻ്റെ ദൈർഘ്യത്തെ ആശ്രയിച്ചിരിക്കും. പ്രധാന കാർഡിലെ മത്സരങ്ങൾ PPV (Pay-Per-View) വഴി ലഭ്യമാകും. അണ്ടർ കാർഡ് മത്സരങ്ങൾ ESPN, ESPN+ എന്നിവയിലൂടെയും Disney+ വഴിയും സംപ്രേക്ഷണം ചെയ്യും. നിലവിലെ മിഡിൽ‌വെയ്റ്റ് ചാമ്പ്യൻഷിപ്പിനായുള്ള ഡു പ്ലെസ്സിയും ചിമയേവും തമ്മിലുള്ള പോരാട്ടം വലിയ ആകാംഷയോടെയാണ് കായിക ലോകം ഉറ്റുനോക്കുന്നത്.
