ഞായറാഴ്ച പുലർച്ചെ സ്പിന്നിങ് മില്ലിൽ നിന്ന് ജോലി കഴിഞ്ഞ് വീട്ടിലെത്തിയ സുകന്യ ജീവനൊടുക്കിയത് മുറ്റത്തെ മാവിൻകൊമ്പിൽ; തലേന്ന് മില്ലിൽ ജോലിക്ക് ചെന്നിരുന്നില്ലെന്ന് ഉടമ; ഉദുമയിൽ പ്രവാസിയുടെ ഭാര്യയുടെ ആത്മഹത്യയ്ക്ക് പിന്നിൽ ഡിവൈഎഫ്‌ഐ നേതാവുമായുള്ള വഴിവിട്ട ബന്ധമെന്ന് ആരോപണം
ഉദുമ: വീട്ടമ്മയുടെ ആത്മഹത്യയ്ക്ക് പിന്നിൽ ഡിവൈഎഫ്‌ഐ നേതാവുമായുള്ള വഴിവിട്ട ബന്ധമെന്ന് ആരോപണം. ഉദുമ കൊപ്പൽ സ്വദേശിനി സുകന്യാണ് (26 ) ജൂൺ 27 ന് വീട്ടുപറമ്പിലുള്ള മാവിൻ കൊമ്പിൽ ജീവിതമവസാനിപ്പിച്ചത്. ഉദുമ സ്പിന്നിങ് മില്ലിലെ ടെക്‌നീഷ്യയാണ് ഡിവൈഎഫ്‌ഐ പ്രവർത്തക കൂടിയായ സുകന്യ. യുവതിയുടെ ഭർത്താവ് രഞ്ജിത്ത് പ്രവാസിയാണ്. സുകന്യ സ്പിന്നിങ് മില്ലിൽ രാത്രി ഷിഫ്റ്റിൽ ജോലി ചെയ്യാറുണ്ട്. രാത്രി 10 മണിക്ക് മൈലാട്ടിയിലുള്ള മില്ലിലെത്തിയാൽ പുലർച്ചെ ഡ്യൂട്ടി കഴിഞ്ഞ് ഇരുചക്രവാഹനത്തിൽ വീട്ടിലെത്താറാണ് പതിവ്. മില്ലിൽ ജോലി നോക്കുന്ന ചെറുവത്തൂർ സ്വദേശിയായ ഡിവൈഎഫ്‌ഐ നേതാവുമായി സുകന്യ ഇതിനിടയിൽ കടുത്ത പ്രണയത്തിലായിരുന്നു.
ജൂൺ 26ന് ശനിയാഴ്ച രാത്രി മില്ലിലേക്കാണെന്ന് വീട്ടുകാരോട് പറഞ്ഞ് സ്‌കൂട്ടിയിൽ പുറപ്പെട്ട സുകന്യ മില്ലിലെത്തിയിരുന്നില്ല. ജൂൺ 27ന് രാത്രിയിലും ഇതേ നില തന്നെയായിരുന്നു. ഇതിനിടയിൽ ചെറുവത്തൂർ ഡിവൈഎഫ്‌ഐ നേതാവ് രാത്രിയിൽ രഹസ്യമായി സുകന്യയുടെ വീട്ടിലെത്തിയ കാര്യം അറിയാനിടയായി. ഡിവൈഎഫ്‌ഐ നേതാവ് യുവതിയുടെ വീട്ടിലെത്തിയ ദൃശ്യം സുകന്യയുടെ വീട്ടിനടുത്ത് മറ്റൊരു വീട്ടിലെ സിസിടിവിയിൽ പതിഞ്ഞതാണ് സംഭവം പുറത്തു വരാൻ കാരണമായത് .
ഭാര്യയുടെ വഴിവിട്ട നീക്കങ്ങൾ മില്ലിൽ ജോലി നോക്കുന്ന ചിലർ ഗൾഫിലുള്ള സുകന്യയുടെ ഭർത്താവിനെ അറിയിച്ചതിനെ തുടർന്ന് ഭർത്താവ് രഞ്ജിത് ഗൾഫിൽ നിന്ന് നാട്ടിലെത്തിയിരുന്നു. ഭാര്യയോടൊപ്പം ചെറുവത്തൂരിലുള്ള ഡിവൈഎഫ്‌ഐ നേതാവിന്റെ വീട്ടിലെത്തി നേതാവിന് മുന്നറിയിപ്പ് നൽകുകയും ചെയ്തിരുന്നു. പിറ്റേന്ന് 27ന് ഞായറാഴ്ച മില്ലിൽ നിന്ന് ജോലി കഴിഞ്ഞെത്തിയ യുവതി പുലർകാലത്ത് വീട്ടുപറമ്പിലുള്ള മാവിൻ കൊമ്പിൽ കെട്ടിത്തൂങ്ങി ജീവിതമവസാനിപ്പിക്കുകയായിരുന്നു.
ഉദയമംഗലം സുകുമാരന്റെയും കാർത്യായനിയുടെയും മകളാണ് ആത്മഹത്യ ചെയ്ത സുകന്യ. ദമ്പതികൾക്ക് കുട്ടികളില്ല. ഡിവൈഎഫ്‌ഐ നേതാവ് സുകന്യയുടെ വീട്ടിൽ രണ്ടു രാത്രിയും രണ്ടു പകലും തങ്ങിയത് യുവതിയുടെ മാതാവുപോലും അറിയാതെയാണെന്നും ആകോരണമുണ്ട്. കുറ്റിക്കോൽ സ്വദേശിയും മില്ലിൽ തന്നെ ജോലി നോക്കുകയും ചെയ്യുന്ന യുവാവുമായി സുകന്യ ആദ്യം അടുപ്പത്തിലായിരുന്നുവെന്നും ആരോപണമുണ്ട് പിന്നീടാണ് ഡി വൈ എഫ് ഐ നേതാവുമായി അടുപ്പത്തിലായത്.
