ശ്രീനഗറിൽ ഭീകരാക്രമണം: മൂന്ന് പൊലീസുകർക്ക് വീരമൃത്യു; നിരവധി പേർക്ക് പരിക്കെന്ന് റിപ്പോർട്ട്

ശ്രീനഗർ: ജമ്മുകശ്മീരിൽ ഭീകരാക്രമണത്തിൽ മൂന്ന് പൊലീസുകാർക്ക് വീരമൃത്യു. പൊലീസ് ബസിന് നേരെ ഭീകരർ വെടിയുതിർക്കുകയായിരുന്നുവെന്നാണ് റിപ്പോർട്ട്. ശ്രീനഗറിന്റെ പ്രാന്തപ്രദേശമായ സെവാനിലാണ് ഭീകരാക്രമണമുണ്ടായത്.

10 പേർക്ക് ആക്രമണത്തിൽ പരിക്കേറ്റിട്ടുണ്ടെന്നാണ് പ്രാഥമിക വിവരം. പരിക്കേറ്റവരെ ആശുപത്രിയിൽ പ്രവേശിപ്പിച്ചിട്ടുണ്ട്. പൊലീസുകാർക്ക് നേരെ ഭീകരർ രൂക്ഷമായ വെടിവെപ്പ് നടത്തുകയായിരുന്നുവെന്നാണ് അധികൃതരുടെ വിശദീകരണം.