കശ്മീരിൽ ഏറ്റുമുട്ടലിൽ മൂന്നു ഭീകരവാദികളെ സുരക്ഷാസേന വധിച്ചു; നൗഗാമിൽ ഒരു പൊലീസുകാരന് പരിക്കേറ്റു

ശ്രീനഗർ: ജമ്മുകശ്മീരിൽ സുരക്ഷാ സേന ഏറ്റമുട്ടലിൽ മൂന്ന് തീവ്രവാദികളെ വധിച്ചു. ഒരു പൊലീസുകാരന് പരിക്കേൽക്കുകയും ചെയ്തു. ബുധനാഴ്ച വൈകുന്നേരം കുൽഗാമിലും അനന്ത്‌നാഗിലും ഉണ്ടായ ഏറ്റുമുട്ടലുകളിലാണ് മൂന്ന് തീവ്രവാദികൾ കൊല്ലപ്പെട്ടത്.

അനന്ത്‌നാഗിലെ നൗഗാമിൽ ഏറ്റമുട്ടലിൽ ഒരു പൊലീസുകാരന് പരിക്കേറ്റു. ഇയാളെ ആശുപത്രിയിലേക്ക് മാറ്റി. കുൽഗാമിലെ മിർഹാമ ഗ്രാമത്തിൽ മൂന്ന് തീവ്രവാദികളെ സൈന്യം കൊലപ്പെടുത്തി. രഹസ്യവിവരത്തിന്റെ അടിസ്ഥാനത്തിൽ പരിശോധന നടക്കുമ്പോൾ സൈന്യത്തിനു നേർക്ക് തീവ്രവാദികൾ വെടിവയ്ക്കുകയായിരുന്നു.

സൈന്യം ശക്തമായി തിരിച്ചടിച്ചു. ഏറ്റുമുട്ടലിലാണ് മൂന്ന് തീവ്രവാദികൾ കൊല്ലപ്പെട്ടത്.