മലപ്പുറം: മലപ്പുറം എടപ്പാളിലെ ലേഡീസ് ഹോസ്റ്റലിലെ ശുചിമുറിയിൽ മൊബൈൽ ക്യാമറ സ്ഥാപിച്ച് ദൃശ്യം പകർത്താൻ ശ്രമിച്ച യുവാവ് പിടിയിൽ. കോഴിക്കോട് കല്ലായി സ്വദേശി മുഹമ്മദ് സിനാഫാണ് (32)ചങ്ങരംകുളം പൊലീസിന്റെ പിടിയിലായത്. ശുചിമുറിയുടെ ജനലിൽ മൊബെൽ ക്യാമറ കണ്ട യുവതി ബഹളം വയ്ക്കുകയും പൊലീസിന് വിവരം നൽകുകയുമായിരുന്നു.

ഹോസ്റ്റലിന്റെ തൊട്ടപ്പുറത്തു ലോഡ്ജിൽ താമസക്കാരനാണ് സിനാഫ്. കല്ലായി സ്വദേശിയായ പ്രതി ഇവിടെ ഒരു ഇലക്ട്രിക്കൽ സ്ഥാപനത്തിലെ കളക്ഷൻ ഏജന്റായി ജോലിചെയ്തുവരികയായിരുന്നു. സ്ത്രീയുടെ അശ്ലീല ചിത്രം പകർത്താൻ ശ്രമിച്ചതിനാണ് കേസ് രജിസ്റ്റർചെയ്തിട്ടുള്ളത്. അറസ്റ്റ് ചെയ്ത പ്രതിയെ പിന്നീട് ജാമ്യത്തിൽവിട്ടു.

പ്രതി കുളിമുറിയിൽ വെച്ചമൊബൈൽ ഫോൺ പൊലീസ് പരിശോധിച്ചു. ഫോണിൽ പതിഞ്ഞ ദൃശ്യങ്ങൾ പൊലീസ് ഡിലീറ്റ് ആക്കുകയും ചെയ്തു.

 

മൊബൈൽ ക്യാമറലേഡീസ് ഹോസ്റ്റൽശുചിമുറി