ഭോപ്പാൽ: ദുർഗ് -ഛത്തീസ്‌ഗഡ് എക്സ്പ്രസിന് തീപിടിച്ചു. നാല് കോച്ചുകളിലാണ് തീപിടുത്തമുണ്ടായത്. ഡൽഹിയിൽ നിന്ന് ഛത്തീസ്‌ഗഡിലേക്കുള്ള യാത്രയ്ക്കിടെ മധ്യപ്രദേശിലെ മൊറേനയ്ക്ക് സമീപത്തുവച്ചാണ് തീപിടുത്തമുണ്ടായത്.

ആളപായമില്ലെന്നാണ് റിപ്പോർട്ടുകൾ. പൊലീസും ഫയർഫോഴ്സും സംഭവസ്ഥലത്തെത്തിയിട്ടുണ്ട്. ദുർഗ് - ഛത്തീസ്‌ഗഡ് എക്സ്പ്രസിലെ എസി കോച്ചുകളിലാണ് തീ പിടിത്തമുണ്ടായത്. കോച്ചുകൾ പൂർണമായി കത്തിനശിച്ചു.

മോറേന റെയിൽവെ സ്റ്റേഷന് സമീപം നിർത്തിയിട്ടിരിക്കുമ്പോഴാണ് അപകമുണ്ടായതെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു. റെയിവെയുടെ ഉന്നത ഉദ്യോഗസ്ഥർ ഉൾപ്പടെ സംഭവ സ്ഥലത്ത് എത്തിയിട്ടുണ്ട്. തീപിടിത്തത്തിന്റെ കാരണം വ്യക്തമായിട്ടില്ല.

 

 

ട്രെയിൻതീപിടുത്തംമധ്യപ്രദേശ്