ഗ്രീൻ വിസ പ്രഖ്യാപിച്ച് യുഎഇ; താമസ വിസ റദ്ദാക്കിയാൽ 90 മുതൽ 180 ദിവസംവരെ രാജ്യത്ത് തങ്ങാൻ ഗ്രേസ് പിരീഡ്

അബുദാബി: ഗ്രീൻ വിസ പ്രഖ്യാപിച്ച് യുഎഇ. പുതിയ 50 പദ്ധതികളുടെ പ്രഖ്യാപനത്തിന്റെ ഭാഗമായാണ് ഗ്രീൻ വിസ പ്രഖ്യാപനം. പ്രൊഫഷണലുകൾക്കും സംരംഭകർക്കുമാണ് ഗ്രീൻ വിസ ലഭിക്കുക. താമസ വിസ റദ്ദാക്കിയാൽ 90 മുതൽ 180 ദിവസം വരെ ഇവർക്ക് രാജ്യത്ത് തങ്ങാനുള്ള ഗ്രേസ് പിരീഡ് ലഭിക്കും.

ഗ്രീൻ വിസയുള്ളവർക്ക് അവരുടെ രക്ഷിതാക്കളെ സ്പോൺസർ ചെയ്യുന്നതിനൊപ്പം 25 വയസ്സാകുന്നതുവരെ ആൺമക്കളെയും സ്പോൺസർ ചെയ്യാം. നിലവിൽ 18 വയസ്സുവരെയാണ് ആൺകുട്ടികളെ സ്പോൺസർ ചെയ്യാൻ കഴിഞ്ഞിരുന്നത്. സ്വന്തമായി ബിസിനസ് ചെയ്യുന്നവർ, സ്വയം തൊഴിൽ ചെയ്യുന്നവർ എന്നിവർക്ക് ഫ്രീലാൻസ് വിസയും നൽകും.