ഐ.പി.സി. മിഡ് വെസ്റ്റ് റീജിയന്‍ വാര്‍ഷിക കണ്‍വന്‍ഷന്‍ 2025 ഹൂസ്റ്റണില്‍ അനുഗ്രഹത്തോടെ സമാപിച്ചു
ഹൂസ്റ്റണ്‍ന്മ ക്രിസ്തുവിന്റെ സ്‌നേഹത്തിലും ആത്മീയ നവീകരണത്തിലും വിശ്വാസികളെ ഉറപ്പിക്കുന്ന സന്ദേശങ്ങളോടെ ഐ.പി.സി. മിഡ് വെസ്റ്റ് റീജിയന്‍ വാര്‍ഷിക കണ്‍വന്‍ഷന്‍ 2025 ഹൂസ്റ്റണില്‍ വിജയകരമായി സമാപിച്ചു. ആഗസ്റ്റ് 29, 30, 31 തീയതികളില്‍ ഐ.പി.സി. ഹെബ്രോന്‍ ഹൂസ്റ്റണ്‍ സഭയില്‍ വച്ചാണ് ഈ വര്‍ഷത്തെ കണ്‍വന്‍ഷന്‍ നടന്നത്.
മലയാളം സെഷനുകളില്‍ പാസ്റ്റര്‍ സേവിയര്‍ ജെയിംസ് (ഷിക്കാഗോ), പാസ്റ്റര്‍ ഷിജു വര്‍ഗീസ് (കേരള) എന്നിവര്‍ ദൈവവചന സന്ദേശം പങ്കുവെച്ചു. ഇംഗ്ലീഷ് സെഷനില്‍ പാസ്റ്റര്‍ ബ്ലിസ്സ് വര്‍ഗീസ് (ന്യൂയോര്‍ക്ക്) മുഖ്യ പ്രഭാഷകനായിരുന്നു. സഹോദരിമാരുടെ യോഗത്തില്‍ സിസ്റ്റര്‍ കൊച്ചുമോള്‍ ജെയിംസ് സന്ദേശം നല്‍കി.
വെള്ളി, ശനി ദിവസങ്ങളില്‍ രാത്രികളില്‍ നടന്ന പൊതുയോഗങ്ങളും ശനിയാഴ്ച പകല്‍ നടന്ന ഉണര്‍വ്വ് യോഗവും ആത്മീയോത്സവമായി. ഞായറാഴ്ചത്തെ സംയുക്ത ആരാധന ദൈവിക സാന്നിധ്യത്തില്‍ നിറഞ്ഞു നിന്നു.
കണ്‍വെന്‍ഷന് നേതൃത്വം നല്‍കിയത് ഐ.പി.സി. മിഡ് വെസ്റ്റ് റീജിയന്‍ പ്രസിഡന്റ് പാസ്റ്റര്‍ ഷിബു തോമസ്, വൈസ് പ്രസിഡന്റ് പാസ്റ്റര്‍ ജെയിംസ് പി. ഏബ്രഹാം, സെക്രട്ടറി പാസ്റ്റര്‍ കെ.വി. തോമസ്, ജോയിന്റ് സെക്രട്ടറി ഫിന്നി സാം, ട്രഷറര്‍ ജോഷിന്‍ ദാനിയേല്‍, ബാബു കൊടുന്തറ (ജനറല്‍ കൗണ്‍സില്‍ മെമ്പര്‍), സാക്ക് ചെറിയാന്‍ (മിഷന്‍ കോര്‍ഡിനേറ്റര്‍), കെ. വി. എബ്രഹാം (ചാരിറ്റി കോര്‍ഡിനേറ്റര്‍) എന്നിവര്‍ അടങ്ങുന്ന സംഘമാണ്. മാധ്യമ പ്രവര്‍ത്തനങ്ങള്‍ക്ക് ഫിന്നി രാജു ഹൂസ്റ്റണ്‍ നേതൃത്വം വഹിച്ചു.
പി.വൈ.പി.എ. പ്രവര്‍ത്തനങ്ങള്‍ക്ക് ഷോണി തോമസ് (പ്രസിഡണ്ട്), വെസ്ലി ആലുംമൂട്ടില്‍ (വൈസ് പ്രസിഡണ്ട്), അലന്‍ ജെയിംസ് (സെക്രട്ടറി), വിന്നി ഫിലിപ്പ് (ജോയിന്റ് സെക്രട്ടറി), റോഷന്‍ വര്‍ഗീസ് (ട്രഷറര്‍), ജെസ്വിന്‍ ജെയിംസ് (ടാലന്റ് കോര്‍ഡിനേറ്റര്‍) എന്നിവര്‍ നേതൃത്വം നല്‍കി.
സിസ്റ്റേഴ്സ് ഫെലോഷിപ്പിന് കൊച്ചുമോള്‍ ജെയിംസ് (പ്രസിഡണ്ട്), ബ്ലെസി സാം (വൈസ് പ്രസിഡണ്ട്), രേഷ്മ തോമസ് (സെക്രട്ടറി) എന്നിവര്‍ നേതൃത്വം വഹിച്ചു.
