ഭാരതീയ സംസ്കാരത്തിന്റെ തിളക്കത്തില് കെ.എച്ച്.എന്.എ 2026 കലണ്ടര് പ്രകാശനത്തിനൊരുങ്ങുന്നു
അനഘ വാരിയര് - കെ.എച്ച്.എന്.എ ന്യൂസ് ഡെസ്ക്
ഭാരതീയ പൈതൃകത്തെയും തനത് സംസ്കാരത്തെയും എന്നും നെഞ്ചിലേറ്റുന്ന കേരള ഹിന്ദൂസ് ഓഫ് നോര്ത്ത് അമേരിക്ക (KHNA), പുതുവര്ഷമായ 2026-നെ വരവേല്ക്കുന്നതിനുള്ള വാര്ഷിക കലണ്ടര് പ്രസിദ്ധീകരിക്കാന് ഒരുങ്ങുന്നു.
നമ്മുടെ മഹത്തായ കലാപാരമ്പര്യത്തെയും ആത്മീയ ചിന്തകളെയും പ്രതിഫലിപ്പിക്കുന്ന ആകര്ഷകമായ രൂപകല്പ്പനയോടെയാണ് ഈ കലണ്ടര് പുറത്തിറങ്ങുന്നത്. വടക്കേ അമേരിക്കയിലെ ആയിരക്കണക്കിന് മലയാളി ഹിന്ദു കുടുംബങ്ങളിലേക്ക് ഈ സാംസ്കാരിക പ്രസിദ്ധീകരണം എത്തിച്ചേരും.
ഇന്ത്യന്, അമേരിക്കന് വിശേഷ ദിവസങ്ങള് ഉള്പ്പെടുത്തി തയ്യാറാക്കുന്ന ഈ കലണ്ടര്, വരും തലമുറയ്ക്ക് നമ്മുടെ സംസ്കാരത്തെ അടുത്തറിയാന് സഹായിക്കുന്ന ഒരു സാംസ്കാരിക കൈപ്പുസ്തകം കൂടിയായിരിക്കും..വര്ഷം മുഴുവന് ഓരോ വീട്ടിലും ശ്രദ്ധിക്കപ്പെടുന്ന ഈ കലണ്ടറില്, ഓരോ മാസത്തിന്റെയും താഴെയുള്ള ഇടം കോംപ്ലിമെന്റ്സുകള് നല്കുവാനായി ഉപയോഗിച്ചിട്ടുണ്ട്.
ബിസിനസ്സുകള്ക്കും, സംഘടനകള്ക്കും, വ്യക്തികള്ക്കും, കുടുംബങ്ങള്ക്കും ചെറിയ ആശംസാ പരസ്യങ്ങള് നല്കാന് ഇതൊരു മികച്ച അവസരമാണ്.കെ.എച്ച്.എന്.എ-യുടെ പരിപാടികളില് സഹകരിക്കുന്ന എല്ലാവര്ക്കും പ്രസിഡന്റ് ടി ഉണ്ണികൃഷ്ണന് , ജനറല് സെക്രട്ടറി സിനു നായര്, ട്രഷറര് അശോക് മേനോന്, വൈസ് പ്രസിഡന്റ് സഞ്ജീവ് കുമാര്, ജോയിന്റ് സെക്രട്ടറി ശ്രീകുമാര് ഹരിലാല്, ജോയിന്റ് ട്രഷറര് അപ്പുക്കുട്ടന് പിള്ള, ബോര്ഡ് ഓഫ് ഡയറക്ടേഴ്സ്, ട്രസ്റ്റീ ബോര്ഡ് എന്നിവര് നന്ദി അറിയിച്ചു .
പരസ്യത്തിനും കൂടുതല് വിവരങ്ങള്ക്കും, ഭാരവാഹികളെയോ താഴെ പറയുന്നവരെയോ വിളിക്കുക
സിനു നായര് - 215 668 2367
സഞ്ജീവ് കുമാര് - 732 306 7406
അനഘ വാരിയര് - 727 871 3918
അരവിന്ദ് പിള്ള - 847 769 0519
