കുറവിലങ്ങാട് അസ്സോസിയേഷന്‍ ഓഫ് ഗ്രേറ്റ് ഹൂസ്റ്റണ്‍ ഉത്ഘാടനം ജനുവരി 26 ന്

ജീമോന്‍ റാന്നി

ഹൂസ്റ്റണ്‍ : അമേരിക്കയിലെ ടെക്‌സസ് സ്റ്റേറ്റിലെ ഹൂസ്റ്റണിലും പരിസരപ്രദേശങ്ങളിലുമുള്ള കുറവിലങ്ങാട് മലയാളികള്‍ ഒത്തുചേര്‍ന്ന് രൂപം നല്‍കിയിട്ടുള്ള കുറവിലങ്ങാട് അസോസിയേഷന്‍ ഓഫ് ഗ്രേറ്റര്‍ ഹൂസ്റ്റണ്‍ എന്ന സംഘടനയുടെ ഉത്ഘാടനം ജനുവരി 26നു ഞായറാഴ്ച വൈകുന്നേരം 4.30 യ്ക്ക്

നടത്തപ്പെടും .

സ്റ്റാഫോഡ് കേരളാ ഹൗസില്‍ വച്ചു നടക്കുന്ന പരിപാടിയില്‍ ഡിസ്ട്രിക്ട് ജഡ്ജ് സുരേന്ദ്രന്‍ പട്ടേല്‍ ഉദ്ഘാടനം നിര്‍വഹിക്കുന്നതും സ്റ്റാഫോഡ് സിറ്റി മേയര്‍ കെന്‍ മാത്യു ലോഗോ പ്രകാശനം നടത്തുന്നതുമാണ്.

ഫാ. ജോസഫ് പൊറ്റമ്മേല്‍ ആശംസകള്‍ അര്‍പ്പിക്കുന്ന ചടങ്ങില്‍ കുറവിലങ്ങാട്ടെ കലാ -സാംസ്‌കാരിക നേതാക്കളുടെ ആശംസാ വീഡിയോ പ്രദര്‍ശനവും ഉണ്ടായിരിക്കുന്നതാണ്. തുടര്‍ന്ന് വിവിധ കലാപരിപാടികളും ഡിന്നറും ഉണ്ടായിരിക്കുന്നതാണെന്ന് സംഘടനക്കുവേണ്ടി ഭാരവാഹികള്‍ അറിയിച്ചു.