ഹ്യൂസ്റ്റണ്‍: സ്വന്തമായ ആസ്ഥാനവും ആസ്തിയും ഉള്ള, അംഗ സംഖ്യയിലും,പ്രവര്‍ത്തനത്തിലും മികവു പുലര്‍ത്തുന്ന അമേരിക്കയിലെ ഒരു പ്രമുഖ മലയാളിസംഘടനയാണ് മാഗ്. ഫോമാ, ഫൊക്കാന തുടങ്ങിയ അമ്പര്‍ലഅസോസിയേഷനുകളിലും മാഗ് സജീവ സാന്നിധ്യമാണ് വഹിക്കുന്നത്.

ഇലക്ഷന്‍ നോമിനേഷനുകള്‍ അവസാന നിമിഷം പിന്‍വലിക്കുന്ന തീയതികഴിഞ്ഞപ്പോള്‍ കിട്ടിയ വിവരമനുസരിച്ച് രണ്ട് ശക്തമായ പാനലുകള്‍ ആണ്ഇപ്രാവശ്യത്തെ മാഗ് ഇലക്ഷന്‍ ഗോദയില്‍ കൊമ്പ് കോര്‍ക്കുന്നത്.

ചാക്കോതോമസ് നേതൃത്വം കൊടുക്കുന്ന ടീം ഹാര്‍മണി, റോയി മാത്യു നേതൃത്വംകൊടുക്കുന്ന ടീം യുണൈറ്റഡ് എന്നിവയാണവ. രണ്ടു പാനലുകാരും വിജയംലക്ഷ്യമാക്കി തീപാറുന്ന പ്രചരണ തിരക്കിലാണ്. ഇവിടത്തെ സംഘടനാ ഇലക്ഷന്‍നിരീക്ഷകര്‍ പറയുന്നത് ഇപ്പോള്‍ രണ്ടു പാനലുകാരും ഒപ്പത്തിനൊപ്പംആണെന്നാണ്.. ഈ അവസരത്തില്‍ പതിവുപോലെ ഒരു സ്വതന്ത്രവേദിയായകേരള ഡിബേറ്റ് ഫോറം യുഎസ്എ.യുടെ ആഭിമുഖ്യത്തില്‍ സ്ഥാനാര്‍ത്ഥികളെയുംമറ്റു താല്പര്യമുള്ള എല്ലാ വ്യക്തികളെയും ഉള്‍പ്പെടുത്തി ഒരു സ്വതന്ത്രനിഷ്പക്ഷ സൗഹാര്‍ദ്ദ സംവാദവും ഓപ്പണ്‍ ഫോറവും സംഘടിപ്പിക്കുകയാണ്.

ഡിസംബര്‍ 7, ഞായര്‍ വൈകുന്നേരം 3:30നു (CENTRAL TIME). ഹൂസ്റ്റണിലെമിസോറി സിറ്റിയിലുള്ള അപ്പനാ ബസാര്‍ ഓഡിറ്റോറിയം (2437 FM 1092 Road,Miossuri City TX 77459) വച്ചാണ് പരിപാടികാലേക്കൂട്ടി തന്നെ രണ്ടു പാനലുകാരും ഓരോ ബ്ലോക്ക് ആയി ഇരിപ്പിടം പിടിക്കേണ്ടതാണ്. അതുപോലെ സ്വതന്ത്ര മത്സരാര്‍ത്ഥികള്‍ ഉണ്ടെങ്കില്‍ അവരുംസ്വതന്ത്ര വേദിയില്‍ ഇരിപ്പുറപ്പിക്കേണ്ടതാണ്.

സ്ഥാനാര്‍ത്ഥികള്‍ക്കു സ്വയം പരിചയപ്പെടുത്തുവാനും അംഗങ്ങള്‍ക്കുംപൊതുജനങ്ങള്‍ക്കും പത്രമാധ്യമ പ്രതിനിധികള്‍ക്കും അഭിപ്രായങ്ങള്‍രേഖപ്പെടുത്തുവാനും ചോദ്യങ്ങള്‍ ചോദിക്കുവാനും ഉള്ള അവസരംകൊടുക്കുവാന്‍ കേരള ഡിബേറ്റ് ഫോറം യുഎസ്എ അങ്ങയറ്റംശ്രമിക്കുന്നതായിരിക്കും. സ്ഥാനാര്‍ത്ഥികളുടെ ബാഹുല്യവും, മറ്റു പലകാരണങ്ങളാലും ഓരോ സ്ഥാനാര്‍ത്ഥികളെയും നേരില്‍കണ്ട് ഡിബേറ്റിലേക്കുള്ളക്ഷണമറിയിക്കാന്‍ സാധിച്ചിട്ടില്ല.

അത് കുറച്ചൊക്കെ അപ്രായോഗികവുമായിരിക്കുമല്ലോ. അതിനാല്‍ ഈ വാര്‍ത്ത കുറിപ്പ് സ്ഥാനാര്‍ത്ഥികള്‍ക്കുംപൊതുജനങ്ങള്‍ക്കും പത്രമാധ്യമ പ്രതിനിധികള്‍ക്കും പ്രത്യേക ക്ഷണവുംഅറിയിപ്പുമായി ദയവായി കരുതുക..കേരള ഡിബേറ്റ് ഫോറം യുഎസ്എ വളരെകാലമായി അനവധി ഡിബേറ്റുകളും ഓപ്പണ്‍ ഫോറമുകളും വളരെവിജയകരവും മാതൃകാപരവും ആയി നിര്‍വഹിച്ചിട്ടുണ്ട്.

ഈ ഡിബേറ്റ് ഓപ്പണ്‍ ഫോറം യോഗ പരിപാടികള്‍ തല്‍സമയം ഫെയ്‌സ്ബുക്ക്,യൂട്യൂബ് മീഡിയകളില്‍ ലൈവായി ദര്‍ശിക്കാവുന്നതാണ്. മറ്റ് ഏതൊരു മീഡിയക്കുംഭാഗികമായിട്ടോ മുഴുവന്‍ ആയിട്ടോ ഈ പ്രോഗ്രാം ബ്രോഡ് കാസ്റ്റ് ചെയ്യുവാനുള്ള അനുമതിയും അവകാശവും ഉണ്ടായിരിക്കുന്നതാണ്.കൂടുതല്‍ വിവരങ്ങള്‍ക്ക് വിളിക്കുക: എ.സി.ജോര്‍ജ്: 832 703 5700,

അജു ജോണ്‍ വാരിക്കാട്:832 846 0763, തോമസ് ഓലിയാന്‍കുന്നേല്‍: 713 679 9950

സ്വന്തം ലേഖകൻ