മാര്‍ത്തോമ്മാ സൗത്ത് വെസ്റ്റ് റീജിയണല്‍ കോണ്‍ഫറന്‍സ് മാര്‍ച്ച് 21 മുതല്‍ ഹൂസ്റ്റണില്‍ - രജിസ്ട്രേഷനു തുടക്കമായി
ഹൂസ്റ്റണ്‍ : മാര്‍ത്തോമ്മാ സഭയുടെ നോര്‍ത്ത് അമേരിക്കന്‍ ഭദ്രാസനത്തിന്റെ സൗത്ത്വെസ്റ്റ് റീജിയന്‍ ഇടവക മിഷന്‍, സേവികാ സംഘം, സീനിയര്‍ സിറ്റിസണ്‍ ഫെല്ലോഷിപ്പ് എന്നീ സംഘടനകളുടെ സംയുക്താഭിമുഖ്യത്തില്‍ 12- മത് സൗത്വെസ്‌റ് റീജിയണല്‍ കോണ്‍ഫറന്‍സ് മാര്‍ച്ച് 21, 22 (വെള്ളി, ശനി) തീയതികളില്‍ ട്രിനിറ്റി മാര്‍ത്തോമാ ദേവാലയത്തില്‍ വച്ച് നടത്തപ്പെടുന്നു.
ട്രിനിറ്റി മാര്‍ത്തോമാ ദേവാലയത്തില്‍ ആരാധനയ്ക്കു ശേഷം നടന്ന പ്രത്യക ചടങ്ങില്‍ റവ. സാം. കെ.ഈശോ, റവ. ജീവന്‍ ജോണ്‍, റവ, ഉമ്മന്‍ ശാമുവേല്‍, റവ. ലാറി വര്ഗീസ് എന്നിവരുടെ മഹനീയ സാന്നിധ്യത്തില്‍ റജിസ്ട്രേഷന് കമ്മിറ്റി കണ്‍വീനര്‍ സൂസന്‍ ജോസില്‍ നിന്ന് ഇടവക ഫിനാന്‍സ് ട്രസ്റ്റി റെജി ജോര്‍ജ് ആദ്യ രജിസ്ട്രേഷന്‍ ഫോം ഏറ്റു വാങ്ങി കോണ്‍ഫറന്‍സ് റജിസ്ട്രേഷന് തുടക്കം കുറിച്ചു.
മാര്‍ച്ച് 21 നു വെള്ളിയാഴ്ച വൈകുന്നേരം 4 മുതല്‍ മാര്‍ച്ച് 22 നു ഉച്ചകഴിഞ്ഞു 2 മണിക്ക് കോണ്‍ഫറന്‍സ് സമാപിക്കും.
ഡാളസ്, ഹൂസ്റ്റണ്‍, ഓസ്റ്റിന്‍, ഒക്ലഹോമ, സാന്‍ അന്റോണിയോ, ലബ്ബക്ക്, കാന്‍സസ് ഇടവകകളില്‍ നിന്നും 600 ല്‍ പരം അംഗങ്ങള്‍ കോണ്‍ഫറന്‍സില്‍ പങ്കെടുക്കുമെന്ന് പ്രതീക്ഷിക്കുന്നു.
Faith in Renewal and Motion : ' Faith without deeds is dead' 'അങ്ങനെ വിശ്വാസവും പ്രവര്‍ത്തികളില്ലാത്തതായാല്‍ സ്വതവേ നിര്‍ജീവമാകുന്നു' ( യാക്കോബ് 2:17) എന്ന ചിന്താവിഷയത്തെ ആധാരമാക്കി പഠനങ്ങള്‍ നടക്കും.
ഡാളസ് ഫാര്‍മേഴ്സ് ബ്രാഞ്ച് ഇടവക വികാരി റവ. അലക്‌സ് യോഹന്നാന്‍, ലബ്ബക്, സാന്‍ അന്റോണിയോ ഇടവകകളുടെ വികാരി റവ. ജെയിംസ് കെ.ജോണ്‍ എന്നിവര്‍ പഠന ക്ലാസ്സുകള്‍ക്ക് നേതൃത്വം നല്‍കും.
കോണ്‍ഫറന്‍സിന്റെ വിജയത്തിനായി റവ. സാം.ഈശോ ( വികാരി/പ്രസിഡണ്ട്) റവ. ജീവന്‍ ജോണ്‍ ( അസി. വികാരി/ വൈസ് പ്രസിഡണ്ട്) എബ്രഹാം ഇടിക്കുള (ജനറല്‍ കണ്‍വീനര്‍) എന്നിവരുടെ നേതൃത്വത്തില്‍ വിവിധ കമ്മിറ്റികള്‍ കോണ്‍ഫറന്‍സിന്റെ വിജയത്തിനായി പ്രവര്‍ത്തിച്ചു വരുന്നു.
തങ്കമ്മ ജോര്‍ജ് (പ്രയര്‍ സെല്‍) സൂസന്‍ ജോസ് (ഷീജ- രജിസ്ട്രേഷന്‍) ബാബു ടി ജോര്‍ജ്
(ഫിനാന്‍സ്) ജോസഫ് ജോര്‍ജ് തടത്തില്‍ (ഫുഡ്) ഷെറി റജി (മെഡിക്കല്‍) മാത്യു സക്കറിയ (ബ്ലെസ്സണ്‍ - ക്വയര്‍ ) ജൂലി സക്കറിയ ( പ്രോഗ്രാം ആന്‍ഡ് എന്റര്‍ടൈന്‍മെന്റ് ) ലിലിക്കുട്ടി തോമസ് ( റിസിപ്ഷന്‍/ ഹോസ്പിറ്റാലിറ്റി) വര്ഗീസ്. കെ ചാക്കോ ( അക്കൊമൊഡേഷന്‍) വര്ഗീസ് ശാമുവേല്‍ ( ബാബു- ട്രാന്‍സ്‌പോര്‍ട്ടെഷന്‍) ജോണ്‍ ഫിലിപ്പ് (സണ്ണി- പബ്ലിസിറ്റി) ജെയ്‌സണ്‍ ശാമുവേല്‍ (ഓഡിയോ വീഡിയോ മിനിസ്ട്രി) എന്നിവരാണ് സബ് കമ്മിറ്റി കണ്‍വീനര്‍മാര്‍.
റവ. സാം .കെ ഈശോ, റവ. ജീവന്‍ ജോണ്‍, എബ്രഹാം ഇടിക്കുള (ജനറല്‍ കണ്‍വീനര്‍) ബാബു ടി. ജോര്‍ജ് (ഫിനാന്‍സ് കണ്‍വീനര്‍) എന്നിവരോടൊപ്പം ജോണ്‍ ഫിലിപ്പ് (സണ്ണി) കണ്‍വീനര്‍, ജോജി ജേക്കബ്, ടോണി വര്ഗീസ്, കോരുള കുര്യാക്കോസ്, ജീമോന്‍ റാന്നി എന്നിവര്‍ സബ് കമ്മിറ്റി അംഗങ്ങളായി കോണ്‍ഫറന്‍സിന്റെ മീഡിയ ആന്‍ഡ് പബ്ലിസിറ്റി കമ്മിറ്റി സജീവമായി പ്രവര്‍ത്തിച്ചു വരുന്നു.
