വാഷിംഗ്ടണ്‍ ഡി സി :കോവിഡ്-19 വാക്‌സിന്‍ എടുക്കാത്തതിന്റെ പേരില്‍ ഡിസ്ചാര്‍ജ് ചെയ്ത സൈനികരെ ട്രംപ് തിരിച്ചെടുക്കും.തിരിച്ചെടുക്കുന്ന സൈനികരെ അവരുടെ മുന്‍ റാങ്കിലേക്ക് പുനഃസ്ഥാപിക്കും, കൂടാതെ അവര്‍ക്ക് ആനുകൂല്യങ്ങളും നല്‍കുമെന്ന് എക്‌സിക്യൂട്ടീവ് ഉത്തരവില്‍ പറയുന്നു.

'2021 മുതല്‍ 2023 വരെ, ബൈഡന്‍ ഭരണകൂടവും മുന്‍ പ്രതിരോധ സെക്രട്ടറി ലോയ്ഡ് ഓസ്റ്റിനും 8,000-ത്തിലധികം സൈനികരെ അവരുടെ കോവിഡ്-19 വാക്‌സിനേഷന്‍ എടുക്കാത്തതിന്റെ പേരില്‍ ഡിസ്ചാര്‍ജ് ചെയ്തു,' '2023-ല്‍ വാക്‌സിന്‍ മാന്‍ഡേറ്റ് റദ്ദാക്കിയ ശേഷം, പിരിച്ചുവിട്ട 8,000-ത്തിലധികം സൈനികരില്‍ 43 പേര്‍ മാത്രമാണ് ബൈഡന്‍ ഭരണകൂടത്തിന്റെയും സെക്രട്ടറി ഓസ്റ്റിന്റെയും കീഴില്‍ സേവനത്തിലേക്ക് മടങ്ങാന്‍ തിരഞ്ഞെടുക്കപ്പെട്ടത്.'

കോവിഡ് വാക്‌സിന്‍ മാന്‍ഡേറ്റിനെ എതിര്‍ത്തതിന് അന്യായമായി നമ്മുടെ സൈന്യത്തില്‍ നിന്ന് പുറത്താക്കപ്പെട്ട ഏതൊരു സൈനിക അംഗത്തെയും ഈ ആഴ്ച ഞാന്‍ മുഴുവന്‍ ശമ്പളത്തോടെ പുനഃസ്ഥാപിക്കും,' പ്രസിഡന്റായ സത്യാ പ്രതിജ്ഞ ചെയ്തതിനു ശേഷം നടത്തിയ തന്റെ ഉദ്ഘാടന പ്രസംഗത്തില്‍ പ്രസിഡന്റ് ട്രംപ് പ്രഖ്യാപിച്ചിരുന്നു

സ്വന്തം ലേഖകൻ