ടെക്സസ് സെനറ്റ് പ്രൈമറി: ജാസ്മിന് ക്രോക്കറ്റിന് പിന്തുണയുമായി കമല ഹാരിസ്
ഡാലസ്: ടെക്സസിലെ നിര്ണ്ണായകമായ ഡെമോക്രാറ്റിക് സെനറ്റ് പ്രൈമറിയില് കോണ്ഗ്രസ് അംഗം ജാസ്മിന് ക്രോക്കറ്റിനെ പിന്തുണച്ച് മുന് വൈസ് പ്രസിഡന്റ് കമല ഹാരിസ് രംഗത്ത്. മാര്ച്ച് 3 ചൊവ്വാഴ്ച നടക്കാനിരിക്കുന്ന വോട്ടെടുപ്പിന് മുന്നോടിയായി ക്രോക്കറ്റിന് വോട്ട് അഭ്യര്ത്ഥിച്ചുകൊണ്ടുള്ള കമലയുടെ ഫോണ് സന്ദേശം പുറത്തുവന്നു.
ക്രോക്കറ്റിനെ ഒരു 'പോരാളി' എന്ന് വിശേഷിപ്പിച്ച കമല, ഡോണാള്ഡ് ട്രംപിനെയും അദ്ദേഹത്തിന്റെ കൂട്ടാളികളെയും നിലയ്ക്കുനിര്ത്താന് ക്രോക്കറ്റിന് സാധിക്കുമെന്ന് സന്ദേശത്തില് പറഞ്ഞു.സ്റ്റേറ്റ് റെപ്രസെന്റേറ്റീവ് ജെയിംസ് തലരിക്കോയുമായാണ് ക്രോക്കറ്റ് പ്രധാനമായും മത്സരിക്കുന്നത്. കമലയുടെ ഈ പരസ്യ പിന്തുണ ക്രോക്കറ്റിന് വലിയ മുന്തൂക്കം നല്കുമെന്നാണ് വിലയിരുത്തല്.
2024-ലെ കമല ഹാരിസിന്റെ പ്രസിഡന്റ് തെരഞ്ഞെടുപ്പ് പ്രചാരണത്തില് ക്രോക്കറ്റ് പ്രധാന പങ്ക് വഹിച്ചിരുന്നു. സെനറ്റ് മത്സരത്തിലേക്ക് ഇറങ്ങുന്നതിന് മുന്പ് ക്രോക്കറ്റ് കമലയുടെ ഉപദേശം തേടിയിരുന്നു.
2024-ലെ പരാജയത്തിന് ശേഷം കമല ഹാരിസ് നേരിട്ട് ഇടപെടുന്ന ഏറ്റവും കടുത്ത മത്സരങ്ങളില് ഒന്നാണിത്. തന്റെ രാഷ്ട്രീയ സ്വാധീനം അളക്കാനുള്ള ഒരു പരീക്ഷണം കൂടിയാണിത്.
മാധ്യമപ്രവര്ത്തകരെ പ്രചാരണ പരിപാടികളില് നിന്ന് പുറത്താക്കി എന്ന വിവാദം ക്രോക്കറ്റിനെതിരെ നില്ക്കുമ്പോഴാണ് കമല ഹാരിസിന്റെ ഈ ശക്തമായ പിന്തുണ എത്തിയിരിക്കുന്നത്.
