ലോസ് ഏഞ്ചല്സ് മേയര് തിരഞ്ഞെടുപ്പ്: ആദ്യ മൂന്ന് സ്ഥാനങ്ങളില് നിത്യ രാമനും
ലോസ് ഏഞ്ചല്സ്: ലോസ് ഏഞ്ചല്സ് മേയര് സ്ഥാനത്തേക്കുള്ള പോരാട്ടം ശക്തമാകുന്നു. പുതിയ സര്വേ ഫലങ്ങള് പ്രകാരം നിലവിലെ മേയര് കാരെന് ബാസിന് കടുത്ത വെല്ലുവിളി ഉയര്ത്തി ഇന്ത്യന് വംശജയും സിറ്റി കൗണ്സില് അംഗവുമായ നിത്യ രാമന് ആദ്യ മൂന്ന് സ്ഥാനങ്ങളില് ഇടംപിടിച്ചു.
ഏമേഴ്സണ് കോളേജ് പോളിംഗ് നടത്തിയ സര്വേയില് 20% വോട്ടര്മാരുടെ പിന്തുണയോടെ കാരെന് ബാസ് ഒന്നാമതാണ്. റിയാലിറ്റി ഷോ താരം സ്പെന്സര് പ്രാറ്റ് (10%), നിത്യ രാമന് (9%) എന്നിവരാണ് തൊട്ടുപിന്നില്.
വോട്ടര്മാരില് പകുതിയിലധികം പേരും (51%) ആര്ക്ക് വോട്ട് ചെയ്യണമെന്ന് ഇതുവരെ തീരുമാനിച്ചിട്ടില്ല. ഇത് മത്സരത്തിന്റെ ഫലം പ്രവചനാതീതമാക്കുന്നു.
വൈകി മത്സരരംഗത്തിറങ്ങിയെങ്കിലും ചുരുങ്ങിയ കാലയളവില് വലിയ ജനപിന്തുണ നേടാന് നിത്യയ്ക്ക് സാധിച്ചു. ഭവന ലഭ്യത, ഭരണഘടനാപരമായ ഉത്തരവാദിത്തം എന്നിവയിലാണ് ഇവര് ഊന്നല് നല്കുന്നത്.
ജൂണ് 2-നാണ് പ്രൈമറി തിരഞ്ഞെടുപ്പ്. ഇതില് 50 ശതമാനത്തിലധികം വോട്ട് ആര്ക്കും ലഭിച്ചില്ലെങ്കില്, ആദ്യ രണ്ട് സ്ഥാനങ്ങളില് എത്തുന്നവര് നവംബറില് നടക്കുന്ന ഫൈനല് റൗണ്ടില് ഏറ്റുമുട്ടും.
നിലവിലെ മേയര് കാരെന് ബാസിന്റെ ഭരണത്തില് 47% വോട്ടര്മാരും അതൃപ്തി രേഖപ്പെടുത്തിയത് നിത്യ രാമന് ഉള്പ്പെടെയുള്ള മറ്റ് സ്ഥാനാര്ത്ഥികള്ക്ക് പ്രതീക്ഷ നല്കുന്നു.
