ഡാളസ്:ഡമ്പ്സ്റ്ററില്‍ ഉപേക്ഷിച്ച സ്യൂട്ട്കെയ്സില്‍ ഒരു കുഞ്ഞിന്റെ മൃതദേഹം കണ്ടെത്തിയ സംഭവത്തില്‍ തിങ്കളാഴ്ച, ഫോര്‍ട്ട് വര്‍ത്ത് പോലീസ് ഒരു പ്രതിയെ അറസ്റ്റ് ചെയ്തതായി അറിയിച്ചു. ജയില്‍ രേഖകളില്‍ 36 വയസ്സുള്ള കോര്‍ട്ട്‌നി മൈനര്‍ എന്നാണ് തിരിച്ചറിഞ്ഞിരിക്കുന്നത്.

നിയമപരമായ അധികാരമില്ലാതെ മൃതദേഹത്തോട് മോശമായി പെരുമാറിയതിനും 10 വയസ്സിന് താഴെയുള്ള ഒരാളെ കൊലപ്പെടുത്തിയതിനും ഉദ്യോഗസ്ഥര്‍ കുറ്റം ചുമത്തി. ഫോര്‍ട്ട് വര്‍ത്ത് പോലീസ് അറസ്റ്റ് ചെയ്ത പ്രതി കോര്‍ട്ട്നി മൈനര്‍, രണ്ട് കുറ്റങ്ങള്‍ക്കായി 550,000 ഡോളറിന്റെ ബോണ്ടില്‍ ജയിലിലാണ്.

കുഞ്ഞ് ജനിക്കുമ്പോള്‍ ജീവനോടെയുണ്ടായിരുന്നെന്നും, സ്യൂട്ട്കെയ്സിനുള്ളിലാക്കി ഡമ്പ്സ്റ്ററില്‍ ഉപേക്ഷിക്കുകയായിരുന്നെന്നും ഇവര്‍ കുറ്റസമ്മതം നടത്തി.

*കുട്ടിയുടെ മരണം സംബന്ധിച്ച മറ്റ് വിവരങ്ങള്‍ ലഭ്യമല്ല.

സ്വന്തം ലേഖകൻ