സെനറ്റ് ഡെമോക്രാറ്റുകള്‍ ഇന്ത്യന്‍ വംശജന്‍ കാഷ് പട്ടേലിന്റെ നാമനിര്‍ദ്ദേശത്തിലുള്ള വോട്ടെടുപ്പ് മാറ്റിവെച്ചു
വാഷിംഗ്ടണ്‍, ഡി.സി:എഫ്ബിഐയെ നയിക്കാനുള്ള ഇന്ത്യന്‍ അമേരിക്കന്‍ വംശജന്‍ കാഷ് പട്ടേലിന്റെ നാമനിര്‍ദ്ദേശത്തിലുള്ള വോട്ടെടുപ്പ് സെനറ്റ് ജുഡീഷ്യറി കമ്മിറ്റി പാനല്‍ നിയമങ്ങള്‍ ചൂണ്ടിക്കാട്ടി തീരുമാനം അടുത്ത ആഴ്ചയിലേക്ക് മാറ്റിവച്ചു.
പട്ടേലിന്റെ നാമനിര്‍ദ്ദേശം തുടക്കത്തില്‍ പരിഗണനയ്ക്കുള്ള അജണ്ടയില്‍ ഉണ്ടായിരുന്നെങ്കിലും, സെനറ്റ് ഡെമോക്രാറ്റുകള്‍ ഒരു ആഴ്ച കാലതാമസം ആവശ്യപ്പെട്ടു, ഓരോ അംഗത്തിനും ഒരിക്കല്‍ മാത്രമേ ഇത് അനുവദിക്കൂ. കഴിഞ്ഞ മാസം അറ്റോര്‍ണി ജനറല്‍ പാം ബോണ്ടിയുടെ നാമനിര്‍ദ്ദേശത്തിലും സമാനമായ കാലതാമസം ഉണ്ടായി.
റിപ്പബ്ലിക്കന്‍ സെനറ്റര്‍മാരുടെ പിന്തുണ ലഭിക്കാന്‍ പട്ടേലിന് നല്ല സ്ഥാനമുണ്ടെന്നതിനാല്‍, അദ്ദേഹത്തിന്റെ സ്ഥിരീകരണ സാധ്യതകളെ ഈ കാലതാമസം ബാധിക്കുമെന്ന് പ്രതീക്ഷിക്കുന്നില്ല, ദി ഹില്‍ പറഞ്ഞു.
പട്ടേലിന്റെ വോട്ടെടുപ്പ് മാറ്റിവച്ചതോടെ, ദേശീയ ഇന്റലിജന്‍സ് ഡയറക്ടര്‍ സ്ഥാനത്തേക്ക് തുളസി ഗബ്ബാര്‍ഡ് ഉള്‍പ്പെടെയുള്ള മറ്റ് ട്രംപ് നോമിനികളെയും സെനറ്റ് റിപ്പബ്ലിക്കന്‍മാര്‍ പരിഗണിക്കുമെന്ന് പ്രതീക്ഷിക്കുന്നു.
