മെക്‌സിക്കോ ഉള്‍ക്കടലിന്റെ പേര് അമേരിക്ക ഉള്‍ക്കടലായി മാറ്റുന്നതിന് യുഎസ് ഹൗസ് വോട്ട് ചെയ്തു
വാഷിംഗ്ടണ്‍ ഡി സി:ഫെഡറല്‍ രേഖകളില്‍ മെക്‌സിക്കോ ഉള്‍ക്കടലിനെ അമേരിക്ക ഉള്‍ക്കടലായി ഔദ്യോഗികമായി പുനര്‍നാമകരണം ചെയ്യുന്നതിന് വ്യാഴാഴ്ച പ്രതിനിധി സഭ വോട്ട് ചെയ്തു. 206 നെതിരെ 211 വോട്ടുകള്‍ക്കാണ് വോട്ട് ചെയ്തത്. ബില്ലിന് അനുകൂലമായി ഒരു ഡെമോക്രാറ്റും വോട്ട് ചെയ്തില്ല, ഒരു റിപ്പബ്ലിക്കന്‍ ബില്ലിനെതിരെ വോട്ട് ചെയ്തു. പതിനാറ് അംഗങ്ങള്‍ വോട്ട് ചെയ്തില്ല. ബില്‍ ഇപ്പോള്‍ സെനറ്റിന്റെ പരിഗണനയ്ക്കായി അയയ്ക്കും.
2025 ലെ ഗള്‍ഫ് ഓഫ് അമേരിക്ക ആക്ട്, പ്രതിനിധി മാര്‍ജോറി ടെയ്ലര്‍ ഗ്രീന്‍, ആര്‍-ജിഎ സ്‌പോണ്‍സര്‍ ചെയ്തു, മറ്റ് 17 ഹൗസ് റിപ്പബ്ലിക്കന്‍മാരും സഹ-സ്‌പോണ്‍സര്‍ ചെയ്തു.
ജിയോഗ്രാഫിക് നെയിംസ് ഇന്‍ഫര്‍മേഷന്‍ സിസ്റ്റത്തില്‍ മെക്‌സിക്കോ ഉള്‍ക്കടലിനെ അമേരിക്ക ഉള്‍ക്കടല്‍ എന്ന് പുനര്‍നാമകരണം ചെയ്യാന്‍ ആഭ്യന്തര സെക്രട്ടറിയോട് നിര്‍ദ്ദേശിച്ച പ്രസിഡന്റ് ഡൊണാള്‍ഡ് ട്രംപിന്റെ എക്‌സിക്യൂട്ടീവ് ഓര്‍ഡര്‍ 14172 ഈ നിയമനിര്‍മ്മാണം ക്രോഡീകരിക്കും.
'ടെക്‌സസ്, ലൂസിയാന, മിസിസിപ്പി, അലബാമ, ഫ്‌ലോറിഡ എന്നീ സംസ്ഥാനങ്ങളാല്‍ വടക്കുകിഴക്ക്, വടക്ക്, വടക്ക് പടിഞ്ഞാറ് ഭാഗങ്ങളില്‍ അതിര്‍ത്തി പങ്കിടുന്നതും മെക്‌സിക്കോ, ക്യൂബ എന്നിവയുമായുള്ള കടല്‍ത്തീര അതിര്‍ത്തി വരെ വ്യാപിച്ചുകിടക്കുന്നതുമായ യുഎസ് കോണ്ടിനെന്റല്‍ ഷെല്‍ഫ് ഏരിയ' എന്നാണ് ഗള്‍ഫ് ഓഫ് അമേരിക്കയെ ക്രമത്തില്‍ നിര്‍വചിച്ചിരിക്കുന്നത്
