ഏര്‍ലി വോട്ടിങ്ങിന് സമാപനം ഇന്ന് ,പോളിംഗ് മന്ദഗതിയില്‍, തിരെഞ്ഞെടുപ്പ് ദിനം മെയ് 3 നു
ഡാളസ്:നോര്‍ത്ത് ടെക്‌സസില്‍ വിവിധ സിറ്റി കൗണ്‌സിലുകളിലേക്ക് ഇതുവരെ നടന്ന ഏര്‍ലി വോട്ടിങ്ങില്‍ പോളിംഗ് മന്ദഗതിയിലാണെങ്കിലും മത്സരിക്കുന്ന മലയാളി സ്ഥാനാര്‍ഥികള്‍ വിജയ പ്രതീക്ഷകള്‍ നിലനിര്‍ത്തുന്നു ഏപ്രില്‍ 22 നാണു ഏര്‍ലി വോട്ടിംഗ് ആരംഭിച്ചത് .ഏര്‍ലി വോട്ടിങ്ങിന്റെ സമാപനം ഏപ്രില്‍ 29 ചൊവ്വാഴ്ചയാണ്. തിരഞ്ഞെടുപ്പ് ദിനം മെയ് 3 ശനിയാഴ്ചയും.
ഇതുവരെ പോളിംഗ് ശതമാനം കണക്കാക്കുമ്പോള്‍ മന്ദഗതിയിലാണ് പോളിംഗ് മുന്നോട്ട് പോകുന്നതെന്നും ഇന്ത്യന്‍ വോട്ടര്‍മാരുടെ, പ്രത്യേകിച്ചു മലയാളി കമ്മ്യൂണിറ്റിയിലെ വോട്ടര്‍മാര്‍ കഴിഞ്ഞ കാലങ്ങളില്‍ പ്രകടിപ്പിച്ചിരുന്ന ആവേശം ഇത്തവണ കാണുന്നില്ലെന്നും സ്ഥാനാര്‍ത്ഥികള്‍ അഭിപ്രായപ്പെട്ടു.
മര്‍ഫി സിറ്റി കൗണ്‍സിലിലേക്ക് മത്സരിക്കുന്ന എലിസബത്ത് എബ്രഹാം ഗാര്‍ലാന്‍ഡ് മേയര്‍ സ്ഥാനത്തേക്ക് മത്സരിക്കുന്ന പി സി മാത്യു, ഡോ: ഷിബു സാമുവല്‍ ,സണ്ണിവെയ്ല്‍ സിറ്റി മേയര്‍ മത്സരിക്കുന്ന സജി ജോര്‍ജ് എന്നിവരുടെ വിജയ സാധ്യതകള്‍ നിര്‍ണയിക്കുന്നതില്‍ മലയാളി വോട്ടര്‍ന്മാരുടെ വോട്ടുകള്‍ നിര്‍ണായകമാണ്
ഗാര്‍ലന്‍ഡ് സിറ്റി മേയര്‍ തെരഞ്ഞെടുപ്പില്‍ പരസ്പരം ഏറ്റുമുട്ടുന്നത് ശക്തരായ രണ്ട് മലയാളികളാണ് .ഇരുവരും വിജയം അവകാശപെടുന്നുടെങ്കിലും ഈ മത്സരത്തില്‍ ആര്‍ വിജയിക്കും എന്നുള്ളത് പ്രവചനാതീതമാണ്.
പി സി മാത്യു, ഡോ:ഷിബു സാമുവല്‍ എന്നീ രണ്ടു ഗാര്‍ലന്‍ഡ് മേയര്‍ സ്ഥാനാര്‍ത്ഥികളും ഇന്ത്യന്‍ കമ്മ്യൂണിറ്റിയില്‍ പ്രത്യേകിച്ച് മലയാളി കമ്യൂണിറ്റിയില്‍ വളരെ അറിയപ്പെടുന്ന ,സ്വാധീനം ചെലുത്തുന്ന ശക്തമായ സാന്നിധ്യമാണ്. സണ്ണിവെയ്ല്‍ സിറ്റി മേയര്‍ സ്ഥാനാര്‍ത്ഥി കഴിഞ്ഞ 20 വര്‍ഷമായി കൗണ്‍സിലില്‍ സേവനമനുഷ്ഠിക്കുന്നു. .സിറ്റി മേയര്‍ സ്ഥാനത്തേക്ക് മൂന്നാമതും മത്സരിക്കുന്ന സജി ജോര്‍ജ് വിജയം ഏറെക്കുറെ ഉറപ്പാക്കിയിരിക്കുന്നു
മര്‍ഫി സിറ്റി കൗണ്‍സിലിലേക്ക് മത്സരിക്കുന്ന എലിസബത്ത് അബ്രഹാം കഴിഞ്ഞ തിരഞ്ഞെടുപ്പില്‍ തിരെഞ്ഞെടുപ്പ്വ വന്‍ഭൂരിപക്ഷത്തോടെ തിരഞ്ഞെടുക്കപ്പെട്ടിരുന്നു .ഈ വര്‍ഷത്തെ തിരഞ്ഞെടുപ്പ് അത്ര ആയാസകരമല്ല എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
ഏര്‍ലി വോട്ടിംഗിന്റെ സമാപനം ദിനവും തിരെഞ്ഞെടുപ്പ് ദിനമായ മെയ് 3 നും ഇന്ത്യന്‍ കമ്മ്യൂണിറ്റി, പ്രത്യേകിച്ച് മലയാളി കമ്മ്യൂണിറ്റി വോട്ടര്‍മാര്‍ തങ്ങളുടെ സമ്മതിദാനാവകാശം ഉപയോഗിക്കണമെന്ന് സ്ഥാനാര്‍ത്ഥികള്‍ അഭ്യര്‍ത്ഥിച്ചു.
