ടാമ്പ (ഫ്‌ലോറിഡ):ലോക മലയാളി കൗണ്‍സിലിന്റെ നേതൃത്വത്തില്‍ അമേരിക്കമേഖലയും ഫ്‌ലോറിഡ പ്രൈം പ്രോവിന്‍സും ചേര്‍ന്ന് സംഘടിപ്പിക്കുന്ന പുതുവത്സര സൗഹൃദ-സാംസ്‌കാരിക സംഗമം 'സാന്റാസ് ആഫ്റ്റര്‍ പാര്‍ട്ടി 2026' ജനുവരി 17-ന് ടാമ്പയില്‍ നടക്കും.

ജനുവരി 17 ശനിയാഴ്ച വൈകുന്നേരം 5 മണിക്ക് വാല്‍റിക്കോയിലുള്ള സേക്രഡ് ഹാര്‍ട്ട് ക്‌നാനായ കത്തോലിക്കാ സമൂഹകേന്ദ്രത്തിലാണ് പരിപാടി. ലോക മലയാളി കൗണ്‍സില്‍ ആഗോള പ്രസിഡന്റ് ഡോ. ബാബു സ്റ്റീഫന്റെ നേതൃത്വത്തില്‍ നടക്കുന്ന ചടങ്ങിന് അമേരിക്ക മേഖല പ്രസിഡന്റ് ബ്ലെസണ്‍ മന്നില്‍, ഫ്‌ലോറിഡ പ്രൈം പ്രവിശ്യ പ്രസിഡന്റ് കരോളിന്‍ ബ്ലെസണ്‍ എന്നിവര്‍ നേതൃത്വം നല്‍കും.

ഗ്ലോബല്‍ ചെയര്‍മാന്‍ തോമസ് മൊട്ടക്കല്‍ അമേരിക്ക റീജിയന്‍ ചെയര്‍മാന്‍ ഡോ ഷിബു സാമുവല്‍ തുടണ്ടിയവര്‍ പങ്കടുക്കും

സിനിമാരംഗത്തെ പ്രശസ്ത ആക്ഷന്‍ താരം ബാബു ആന്റണി മുഖ്യാതിഥിയായിരിക്കും. ഹില്‍സ്‌ബോറോ കൗണ്ടി കമ്മീഷണര്‍ സ്ഥാനത്തേക്ക് മത്സരിക്കുന്ന ഡോക്ടര്‍ നീല്‍ മണിമലയും ചടങ്ങില്‍ പങ്കെടുക്കും.സംഗീത-നൃത്ത അവതരണങ്ങള്‍, കുടുംബങ്ങള്‍ക്കായുള്ള വിരുന്ന്, കുട്ടികള്‍ക്കായി പ്രത്യേക വിനോദപരിപാടികള്‍, ഭാഗ്യച്ചീട്ടു നറുക്കെടുപ്പ് എന്നിവ സംഗമത്തിന്റെ ഭാഗമാകും.

പുതുവത്സരത്തെ ഒരുമിച്ച് ആഘോഷിച്ച് സൗഹൃദവും ഐക്യവും ശക്തിപ്പെടുത്തുകയാണ് പരിപാടിയുടെ ലക്ഷ്യമെന്ന് സംഘാടകര്‍ അറിയിച്ചു.

കൂടുതല്‍ വിവരങ്ങള്‍ക്ക്:

ബ്ലെസണ്‍ മന്നില്‍ - 727 481 9680

ദീപക് സതീഷ് - 432 242 4041


സ്വന്തം ലേഖകൻ