ഒര്‍ലാണ്ടോ പള്ളിയില്‍ അനുസ്മരണ പ്രാര്‍ത്ഥനയും പരി.ചാത്തുരുത്തില്‍ തിരുമേനിയുടെ ഓര്‍മ്മയും
ഒര്‍ലാണ്ടോ (ഫ്‌ലോറിഡ ): ഒര്‍ലാണ്ടോ സെന്റ് എഫ്രേം യാക്കോബായ സുറിയാനിപ്പള്ളിയില്‍ , ഭാരതത്തിലെ യാക്കോബായ സുറിയാനി സഭയുടെ പ്രാദേശിക തലവന്‍ കാലം ചെയ്ത ശ്രേഷ്ഠ കാതോലിക്ക ആബൂന്‍ മോര്‍ ബസേലിയോസ് തോമസ് പ്രഥമന്‍ ബാവയുടെ അനുസ്മരണ പ്രാര്‍ത്ഥനയും ചാത്തുരുത്തില്‍ മോര്‍ ഗ്രീഗോറിയോസ് തിരുമേനിയുടെ ഓര്‍മ്മയും നടത്തപ്പെട്ടു .
ശ്രേഷ്ഠ കാതോലിക്കാ ബാവായുടെ വിയോഗദിനമായിരുന്ന ഒക്ടോബര്‍ 31 ന് വൈകിട്ട് സന്ധ്യാനമസ്‌കാരവും അനുസ്മരണ പ്രാര്‍ത്ഥനകളും ഇടവക വികാരി റവ .ഫാ , ബെന്നി ജോര്‍ജിന്റെ കാര്‍മ്മികത്വത്തില്‍ നടത്തപ്പെട്ടു .കൂടാതെ കബറടക്ക ശുശ്രൂഷകള്‍ നടത്തപ്പെട്ട നവംബര്‍ 2 ശനിയാഴ്ച്ച പ്രഭാത നമസ്‌കാരത്തിനും വി. കുര്ബാനയ്ക്കും ശേഷം ശ്രേഷ്ഠ ബാവയ്ക്ക് വേണ്ടിയുള്ള പ്രത്യേക ധൂപപ്രാര്‍ത്ഥനകളും അനുസ്മരണ പ്രസംഗവും റവ .ഫാ ജെയിംസ് മുളംതാനത്തിന്റെ പ്രധാന കാര്‍മ്മികത്വത്തില്‍ നടത്തപ്പെട്ടു . ശ്രേഷ്ഠ ബാവായുടെ സഭയെക്കുറിച്ചുള്ള ദീര്‍ഘവീക്ഷണവും അചഞ്ചലമായ അന്ത്യോഖ്യാ വിശ്വാസവും പെരുമാറ്റത്തിലെ വിനയവും പ്രാര്‍ത്ഥന നോമ്പ് മുതല്‍ കാര്യങ്ങളിലുള്ള തീഷ്ണതയും ദൈവമാതാവിനോടുള്ള പ്രത്യേക ഭക്ത്യാദരവുകളും എല്ലാവരും മാതൃകയാക്കേണ്ടതാണെന്നു വന്ദ്യ വൈദീകര്‍ ഓര്‍മ്മിപ്പിച്ചു .
വേദവിപരീതികള്‍ തകര്‍ത്ത പരി .സഭയെ ഇന്നുകാണുന്ന രീതിയിലേക്ക് പണിയാന്‍ അക്ഷീണം പ്രയത്‌നിച്ച ബാവാതിരുമേനി ''നല്ല പോര്‍ പൊരുതി ഓട്ടം തികച്ചു വിശ്വാസം കാത്തു എന്ന വേദപുസ്തക വാക്യം ' അന്വര്‍ഥമാക്കി കടന്നുപോയ മഹാപുരോഹിതനാണെന്നു വൈദീകര്‍ ഓര്‍മിപ്പിച്ചു. ശ്രേഷ്ഠ ബാവായുടെ സഹനം പരിഗണിച്ചു അദ്ദേഹത്തെ 'മലങ്കരയുടെ യാക്കൂബ് ബുര്‍ദ്ദാന ' എന്ന സ്ഥാനം നല്‍കി പരി .സിംഹാസനം ആദരിച്ചിട്ടുണ്ട് .
നേരത്തെ തീരുമാനിച്ചതനുസരിച്ചു പരിശുദ്ധ ചാത്തുരുത്തില്‍ ഗീവര്ഗീസ് മോര്‍ ഗ്രീഗോറിയോസ് തിരുമേനിയുടെ ഓര്‍മ്മദിനം ലളിതമായ ചടങ്ങുകളോടെ നടത്തപ്പെട്ടു . ധൂപപാര്‍ത്ഥനയ്ക്കും കൈമുത്തിനും ശേഷം നേര്‍ച്ചവിളമ്പോടെ ഓര്‍മ്മ ചടങ്ങുകള്‍ അവസാനിച്ചു
കൂടുതല്‍ വിവരങ്ങള്‍ക്ക്
റവ .ഫാ . ബെന്നി ജോര്‍ജ് (വികാരി ) Mob 9789303047
.എല്‍ദോ മാത്യു (ട്രസ്റ്റി ) Mob 4077299092
സിജു ഏലിയാസ് (സെക്രട്ടറി ) Mob 8133686820
വാര്‍ത്തകള്‍ അയച്ചത് : .എന്‍ .സി .മാത്യു
