'സ്‌നേഹസങ്കീര്‍ത്തനം 2025': നന്മയുടെ സംഗീതം ന്യൂജേഴ്‌സിയില്‍ ഒക്ടോബര്‍ 4-ന്'
സെബാസ്റ്റ്യന്‍ ആന്റണി
സോമര്‍സെറ്റ്, ന്യൂജേഴ്‌സി: കേരളത്തിലെ നിര്‍ധനരായ പെണ്‍കുട്ടികളുടെ വിദ്യാഭ്യാസത്തിന് കൈത്താങ്ങാകുന്ന 'Together for Her Tomorrow' എന്ന മഹനീയ പദ്ധതിയുടെ ധനസമാഹരണാര്‍ത്ഥം, 'സ്‌നേഹസങ്കീര്‍ത്തനം 2025' എന്ന പേരില്‍ ഒരുക്കുന്ന ബൃഹത്തായ ആത്മീയ സംഗീത വിരുന്ന് ഈ വരുന്ന ഒക്ടോബര്‍ 4, ശനിയാഴ്ച ന്യൂജേഴ്‌സിയിലെ സോമര്‍സെറ്റിലുള്ള സെന്റ് തോമസ് സീറോ മലബാര്‍ ഫൊറോന ദേവാലയത്തില്‍ അരങ്ങേറും. മരിയന്‍ മദേഴ്സ് സംഘടനയും, സെന്റ് വിന്‍സെന്റ് ഡി പോള്‍ സൊസൈറ്റിയും സംയുക്തമായാണ് ഈ പരിപാടി സംഘടിപ്പിക്കുന്നത്.
വിദ്യാഭ്യാസത്തിലൂടെ ഒരു പെണ്‍കുട്ടിയുടെയും, അവളുടെ കുടുംബത്തിന്റെയും ഭാവി ശോഭനമാക്കുക എന്നതാണ് പരിപാടിയുടെ പ്രധാന ലക്ഷ്യം. ഇതിലൂടെ സമാഹരിക്കുന്ന മുഴുവന്‍ തുകയും കേരളത്തിലെ അര്‍ഹരായ വിദ്യാര്‍ത്ഥിനികള്‍ക്ക് സ്‌കൂള്‍, കോളേജ് പഠനത്തിനാവശ്യമായ സ്‌കോളര്‍ഷിപ്പ് നല്‍കാന്‍ വിനിയോഗിക്കും.
നിങ്ങള്‍ വാങ്ങുന്ന ഓരോ ടിക്കറ്റും നല്‍കുന്ന ഓരോ സംഭാവനയും ഒരു പെണ്‍കുട്ടിയുടെ സ്വപ്നങ്ങള്‍ സാക്ഷാത്കരിക്കാനുള്ള നിക്ഷേപമാണെന്ന് സംഘാടകര്‍ ഓര്‍മ്മിപ്പിക്കുന്നു.സംഗീതം , നൃത്തം, ആരാധന എന്നിവ സമന്വയിപ്പിച്ച്, കുടുംബങ്ങള്‍ക്കും യുവജനങ്ങള്‍ക്കും ഒരു പുതിയ ആത്മീയ അനുഭവം പകരുന്ന രീതിയിലാണ് 'സ്‌നേഹസങ്കീര്‍ത്തനം 2025 ' ഒരുക്കിയിരിക്കുന്നത്.
പ്രശസ്ത ഗായകരായ ഇമ്മാനുവേല്‍ ഹെന്റി, റോയ് പുതൂര്‍, മെറിന്‍ ഗ്രിഗറി, മരിയ കോലാടി എന്നിവര്‍ നയിക്കുന്ന ഭക്തിഗാനമേളയാണ് പരിപാടിയുടെ പ്രധാന ആകര്‍ഷണം.
ഇവരുടെ സംഗീതത്തിന് മിഴിവേകാന്‍ പ്രഗത്ഭരായ വാദ്യകലാകാരന്മാരും അണിനിരക്കും:
കീബോര്‍ഡ്: യേശുദാസ് ജോര്‍ജ്
ബാസ് ഗിറ്റാര്‍: ജേക്കബ് സാമുവല്‍
തബല: ഹരികുമാര്‍ പന്തളം
ഫ്‌ലൂട്ട്: എബി ജോസഫ്
തീയതി: 2025 ഒക്ടോബര്‍ 4, ശനിയാഴ്ച
സമയം: വൈകുന്നേരം 3:30-ന് ആരംഭിക്കുന്നു (മുഖ്യ സംഗീത പരിപാടി 5:00 മുതല്‍ 7:00 വരെ)
വേദി: സെന്റ് തോമസ് സീറോ മലബാര്‍ കാത്തോലിക് ഫൊറോന ദേവാലയം (St. Thomas Syro Malabar Catholic Forane Church, 508 Elizabeth Avenue, Somerset, NJ 08873)
ഈ ഉദ്യമത്തില്‍ പങ്കാളികളാകാന്‍ ആഗ്രഹിക്കുന്നവര്‍ക്ക് പോസ്റ്ററിലെ QR കോഡ് സ്‌കാന്‍ ചെയ്ത് രജിസ്റ്റര്‍ ചെയ്യാവുന്നതാണ്. സംഭാവനകള്‍ Zelle വഴി അയക്കുമ്പോള്‍ മെമ്മോയില്‍ 'MM MUSIC' എന്ന് രേഖപ്പെടുത്താന്‍ അഭ്യര്‍ത്ഥിക്കുന്നു.
ആനി ജോബി, പ്രിയ കുര്യന്‍, അനു ജോസഫ്, അലക്‌സാണ്ടര്‍ കുര്യന്‍, അഭയ് ജോര്‍ജ് എന്നിവരാണ് പ്രോഗ്രാമിന്റെ സംഘാടകര്‍'ഓരോ പാട്ടിലും ഓരോ സംഭാവനയിലും ഒരു പെണ്‍കുട്ടിയുടെ ശോഭനമായ ഭാവിയുണ്ട്. നമുക്ക് ഒരുമിച്ച് അവളുടെ നല്ല നാളെയെ കരുപ്പിടിപ്പിക്കാം'.
കൂടുതല്‍ വിവരങ്ങള്‍ക്ക് ബന്ധപ്പെടുക:
ബോബി വർഗീസ് (ട്രസ്റ്റി) 201-927-2254
റോബിൻ ജോർജ് (ട്രസ്റ്റി) 848- 391-6535
സുനിൽ ജോസ് (ട്രസ്റ്റി) 732-421-7578,
ലാസർ ജോയ് വെള്ളാറ (ട്രസ്റ്റി) 201-527-8081
വെബ്സൈറ്റ്: stthomassyronj.org
