സ്പ്രിന്റ് രാജാവായ ജമൈക്കൻ താരം ഉസൈൻ ബോൾട്ട് ജാഡി ഡ്വാർട്ട് എന്ന 20കാരിയായ ബ്രസീലിയൻ വിദ്യാർത്ഥിനിയെ പ്രലോഭിപ്പിച്ച് റിയോയിലെ അതീവ സുരക്ഷയുള്ള ഒളിമ്പിക്സ് വില്ലേജിലേക്ക് കൊണ്ടു പോയി ലൈംഗികമായി ഉപയോഗിച്ചതുമായി ബന്ധപ്പെട്ട് ഞെട്ടിപ്പിക്കുന്ന വെളിപ്പെടുത്തൽ പുറത്ത് വന്നു. അതീവ സുരക്ഷാ കേന്ദ്രമായ അത്ലറ്റ് വില്ലേജിലേക്ക് ബോൾട്ട് തന്നെ വശീകരിച്ച് കൊണ്ടു പോയ കഥ ഈ പെൺകുട്ടി തന്നെയാണ് വെളിപ്പെടുത്തിയിരിക്കുന്നത്. ഇതിന് പുറമെ ഓരോ ദിവസവും പുതിയ പുതിയ സ്ത്രീകളുമായി സ്പ്രിന്റ് രാജാവ് ലണ്ടനിലൂടെ കറങ്ങുന്നുവെന്നും റിപ്പോർട്ടുണ്ട്.തന്റെ സിക്സ് പാക്കും ഒളിമ്പിക്സിലെ ജയത്തിന്റെ പോസുകളും കാട്ടിയാണ് ബോൾട്ട് തന്നെ പ്രലോഭിപ്പിച്ചതെന്നും ഡ്വാർട്ട് വെളിപ്പെടുത്തുന്നു.

ഗൂഗിൾ ട്രാൻസ്ലേറ്റ് ആപ്പിലൂടെയാണ് ബോൾട്ട് സെക്സ് ചെയ്യാനുള്ള താൽപര്യം തന്നെ അറിയിച്ചതെന്നും പെൺകുട്ടി പറയുന്നു. തുടർന്ന് കടുത്ത സെക്യൂരിറ്റിയുടെ കണ്ണ് വെട്ടിച്ച് തന്നെ ഒളിമ്പിക്സ് വില്ലേജിലെ റൂമിലേക്ക് ബോൾട്ട് എത്തിക്കുകയും റൂമിലെ സിംഗിൾ ബെഡിൽ കിടന്ന് കിടക്ക പങ്കിടുകയുമായിരുന്നുവെന്ന് പെൺകുട്ടി പറയുന്നു. ബെഡ്റൂമിലെ ബോൾട്ടിന്റെ പ്രകടനം വന്യമായിരുന്നുവെന്നാണ് ഡ്വാർട്ട് അഭിപ്രായപ്പെടുന്നത്. മറ്റൊരു ദിവസം കാണാമെന്ന് ബോൾട്ട് പെൺകുട്ടിക്ക് വാക്കും കൊടുത്തിരുന്നുവത്രെ. സ്വർണമെഡലുകൾ എളുപ്പത്തിൽ സമ്പാദിക്കുന്നത് പോലെ ബോൾട്ടിന് സ്ത്രീകളെ വശീകരിച്ച് ഉപയോഗിക്കാനും പ്രത്യേക കഴിവുണ്ടെന്നും ഡ്വാർട്ട് തന്റെ അനുഭവത്തെ മുൻനിർത്തി അഭിപ്രായപ്പെടുന്നു.

റിയോയിലെ അപ്മാർക്കറ്റ് ബാറ ഡിസ്ട്രിക്ടിലെ ഗ്ലിറ്റ്സി ക്ലബ് ആൾ ഇന്നിൽ വച്ചാണ് താൻ ആദ്യമായി ബോൾട്ടിനെ കണ്ട് മുട്ടിയതെന്നും ഡ്വാർട്ട് പറയുന്നു. തന്റെ 30ാം പിറന്നാൾ ആഘോഷിക്കാനായിരുന്നു ബോൾട്ട് അവിടെയെത്തിയിരുന്നത്. ആ സമയം അവിടെ കൂടി നിന്നിരുന്ന തന്റെയും കൂട്ടുകാരികളുടെയും മുന്നിലൂടെ കടന്ന് പോയ ബോൾട്ട് ഒരു നിമിഷം തങ്ങളുടെ മുന്നിൽ നിൽക്കുകയും ഷർട്ട് വലിച്ച് നീക്കുകയും തന്റെ സിക്സ് പാക്ക് കാണിക്കുകയുമായിരുന്നുവെന്നാണ് ഡ്വാർട്ട് പറയുന്നത്.ഇത്തരത്തിലുള്ള ഒരു മസിൽ താൻ ഇതിന് മുമ്പ് കണ്ടില്ലായിരുന്നുവെന്നും അതിൽ വീണ് പോവുകയുമായിരുന്നുവെന്നാണ് പെൺകുട്ടി നൽകുന്ന സൂചന. തുടർന്ന് ആ രാത്രിയുടെ അവസാനം ബോൾട്ട് തന്റെ താൽപര്യമറിയിച്ച് കൊണ്ട് ബോഡിഗാർഡിനെ ഡ്വാർട്ടിനടുത്തേക്ക് അയക്കുകയുമായിരുന്നു.തുടർന്ന് ആദ്യം താൻ സംശയിച്ച് നിന്നെങ്കിലും ബോൾട്ട് തന്നെ വശീകരിച്ച് ടാക്സിയിൽ കയറ്റി ഒളിമ്പിക്സ് വില്ലേജിലെ റൂമിലേക്ക് കൊണ്ടു പോവുകയായിരുന്നുവെന്നും വിദ്യാർത്ഥിനി പറയുന്നു.

ലണ്ടനിൽ പാർട്ടികളിൽ പങ്കെടുത്ത് ആഘോഷിക്കാനെത്തിയ ബോൾട്ട് ഓരോ ദിവസവും പുതിയ സ്ത്രീകളുമായി കറങ്ങുന്നുവെന്നാണ് ഏറ്റവും പുതിയ റിപ്പോർട്ടുകൾ വെളിപ്പെടുത്തുന്നത്. തന്റെ ഹോട്ടലിൽ നിരവധി സ്ത്രീകൾക്കൊപ്പം ബോൾട്ട് ഓരോ ദിവസവും പാർട്ടി നടത്തി തന്റെ ലണ്ടൻ രാത്രികളെ ഉത്സവമാക്കി മാറ്റുകയാണ്. കഴിഞ്ഞ ദിവസം പുലർച്ചെ പാർട്ടിക്ക് ശേഷം ഓരോ പെൺകുട്ടികളെയും പ്രത്യേകം കാറുകളിൽ അയക്കുന്ന ചിത്രങ്ങളും പുറത്ത് വന്നിട്ടുണ്ട്. കറുത്ത വസ്ത്രം ധരിച്ച അജ്ഞാതയായ ഒരു യുവതിക്കൊപ്പം ബോൾട്ട് ലണ്ടനിലെ ഹോട്ടലിൽ നിന്നും പുറത്ത് വരുന്ന ചിത്രങ്ങൾ പ്രചരിക്കുന്നുണ്ട്. ബ്രസീലിലെ പാർട്ടികൾക്ക് ശേഷമാണ് സ്പ്രിന്റ് രാജാവ് പുതിയ ആഘോഷങ്ങൾക്കായി ലണ്ടനിലെത്തിയിരിക്കുന്നത്. കഴിഞ്ഞ രാത്രി ലണ്ടനിലെ പാർട്ടിക്ക് ബോൾട്ട് എത്തിയിരുന്നത് കറുത്ത വസ്ത്രം ധരിച്ച ഒരു സ്ത്രീക്കൊപ്പമായിരുന്നു. തുടർന്ന് അദ്ദേഹം ഒറ്റയ്ക്ക് പുറത്തേക്ക് പോവുകയും ചെയ്തു. എന്നാൽ അധികസമയം കഴിയുന്നതിന് മുമ്പെ ഒരു ടാക്സിയിൽ കുറെ പെൺകുട്ടികൾ അദ്ദേഹത്തിന്റെ ഹോട്ടലിലെത്തുകയും ചെയ്തിരുന്നു.