ആലപ്പുഴയിൽ മത്സ്യബന്ധന വള്ളം അപകടത്തിൽപെട്ട് യുവാവിനെ കാണാതായി;രണ്ട് പേർ രക്ഷപ്പെട്ടു; കാണാതായതുകൊല്ലം ചെറിയഴിക്കൽ സ്വദേശി സജിനെ

ആലപ്പുഴ: ആലപ്പുഴയിൽ മത്സ്യബന്ധന വള്ളം അപകടത്തിൽപെട്ട് യുവാവിനെ കാണാതായി. കരുനാഗപ്പള്ളി ചെറിയഴിക്കൽ സ്വദേശി സജിനെയാണ് കാണാതായത്. ഇന്നലെ പണിത് ഇറക്കിയ അൽഹംദുലില്ല എന്ന വള്ളമാണ് തിരയിൽ പെട്ടത്.

പാറയിൽ ഇടിച്ചതാണ് അപകടകാരണമെന്ന് രക്ഷപ്പെട്ടവർ പറയുന്നു. മൂന്ന് പേരുമായി മത്സ്യബന്ധനത്തിന് പോയ ഫൈബർ വള്ളമാണ് അപകടത്തിൽ പെട്ടത്. കാണാതായ യുവാവിനെ കണ്ടെത്താനായി കോസ്റ്റൽ പൊലീസിന്റെ നേതൃത്വത്തിൽ അന്വേഷണം ആരംഭിച്ചു.