കാൽ പുറത്തേക്ക് തൂങ്ങിക്കിടക്കുന്ന നിലയിൽ; 29കാരൻ എം സാൻഡ് ടാങ്കിൽ മരിച്ചനിലയിൽ

മലപ്പുറം:പുളിക്കലിൽ ക്രഷർ യൂണിറ്റിന്റെ എം സാൻഡ് ടാങ്കിൽ യുവാവ് മരിച്ചനിലയിൽ. ഒഡീഷ സ്വദേശി ആനന്ദ് സബർ (29) ആണ് മരിച്ചത്.

പുളിക്കൽ ആന്തിയൂർ കുന്നിലെ ക്രഷർ യൂണിറ്റിൽ രാവിലെയാണ് സംഭവം. എം സാൻഡ് നിറയ്ക്കാൻ വാഹനമെത്തിയപ്പോൾ കാൽ പുറത്തേക്ക് തൂങ്ങിക്കിടക്കുന്ന നിലയിൽ കാണുകയായിരുന്നു. തുടർന്ന് കൊണ്ടോട്ടി പൊലീസിനെ വിവരമറിയിക്കുകയും അഗ്നിശമന സേനയെത്തി മൃതദേഹം പുറത്തെടുക്കുകയുമായിരുന്നു.

ഇയാളെ കഴിഞ്ഞ മൂന്ന് ദിവസമായി കാണാനില്ലായിരുന്നു. ക്രഷർ യൂണിറ്റിൽ ചാടി ആത്മഹത്യ ചെയ്തതാണോ എന്നാണ് പൊലീസ് സംശയം.