ഇരിക്കൂറിൽ ചെങ്കൽ ലോറി മറിഞ്ഞ് രണ്ടു പേർക്ക് പരുക്കേറ്റു; ഡ്രൈവർ പരിക്കേൽക്കാതെ രക്ഷപ്പെട്ടു

കണ്ണൂർ: ഇരിക്കൂർ കല്യാട് നിന്നും ചെങ്കല്ലുമായി വരികയായിരുന്ന ലോറി റോഡിനു താഴേക്ക് മറിഞ്ഞു. ചൊവ്വാഴ്‌ച്ച രാവിലെ ഒൻപതരയോടെ സിദ്ദിഖ് നഗർ മാമാനമ്പലം റോഡിൽ ഇറക്കത്തിലാണ് നിയന്ത്രണം വിട്ട് താഴേക്ക് മറിഞ്ഞത്. ലോറി ക്ലീനർ ബംഗാൾ സ്വദേശിക്ക് കാലിന് സാരമായി പരിക്കേറ്റു. ഇയാളെ കണ്ണൂരിലെ സ്വകാര്യാശുപത്രിയിൽ പ്രവേശിപ്പിച്ചു.

തെറിച്ചുവീണ ഡ്രൈവർ പരിക്കേൽക്കാതെ രക്ഷപ്പെട്ടു. ഓടിക്കൂടിയ നാട്ടുകാരാണ് പരിക്കേറ്റ തൊഴിലാളിയെ ആംബുലൻസിൽ ആശുപത്രിയിൽ എത്തിച്ചത്. വിവരമറിഞ്ഞ് എസ്‌ഐ കെ.മുസ്തഫയുടെ നേതൃത്വത്തിൽ പൊലീസ് സംഘം സ്ഥലത്തെത്തി രക്ഷാപ്രവർത്തനം നടത്തി