കെഎസ്ആർടിസി ബസ് ഓട്ടോയുമായി കൂട്ടിയിടിച്ചു; ഓട്ടോ യാത്രക്കാരായ ദമ്പതികളിൽ ഭാര്യ മരിച്ചു; ഭർത്താവിന് പരുക്ക്

 അടൂർ: ദമ്പതികൾ സഞ്ചരിച്ചിരുന്ന ഓട്ടോയിൽ കെഎസ്ആർടിസി ബസിടിച്ച് ഭാര്യ മരിച്ചു. പന്തളം കുരമ്പാല മാവരപ്പാറ പ്ലാവിളയിൽ ലീലാമ്മ(49) ആണ് മരിച്ചത്. ഭർത്താവ് രാജു വർഗ്ഗീസ്(50) ന് പരുക്കേറ്റു.

വ്യാഴാഴ്ച രാത്രി 7.40ന് അടൂർ-ഭരണിക്കാവ് റോഡിൽ വെള്ളക്കുളങ്ങരയിലാണ് അപകടം നടന്നത്. പന്തളം തോന്നല്ലൂർ പ്രോംപ്ട് മോട്ടോഴ്സിലെ ജീവനക്കാരിയാണ് ലീലാമ്മ. ഭർത്താവ് രാജു പന്തളം മെഡിക്കൽ മിഷൻ ഭാഗത്തെ ഓട്ടോസ്റ്റാന്റിൽ ഓട്ടോറിക്ഷ ഓടിക്കുകയാണ്.

ആറുമാസമായി കടമ്പനാട് മാഞ്ഞാലിയിൽ ലീലാമ്മയുടെ സഹോദരിയുടെ വീട്ടിലാണ് ഇരുവരും താമസം. ജോലി കഴിഞ്ഞ് മടങ്ങിയ ലീലാമ്മയെയും കൂട്ടി രാജു പോകും വഴിയാണ് അപകടം. ബസ് കൊല്ലം ഭാഗത്തു നിന്നും അടൂരിലേക്ക് വരുകയായിരുന്നു. മക്കൾ: ക്രിസ്റ്റോ, ക്രിസ്റ്റി. മൃതദേഹം അടൂർ ജനറൽ ആശുപത്രി മോർച്ചറിയിൽ.