ഓണ്‍ലൈന്‍ മാധ്യമങ്ങളുടെ പങ്ക് അനിവാര്യം: ഡോ. ബി. ജയകൃഷ്ണന്‍
തൃശ്ശൂര്‍: ഡിജിറ്റല്‍ യുഗത്തില്‍, ഓണ്‍ലൈന്‍ മാധ്യമങ്ങളുടെ പങ്ക് അനിവാര്യവും നിഷേധിക്കാന്‍ കഴിയാത്തതുമാണെന്ന്, പ്രതിഭാവം ഓണ്‍ലൈന്‍ പിര്യോഡിക്കലിന്റെ ഓഫിസ് ഉദ്ഘാടനം നിര്‍വ്വഹിച്ചുകൊണ്ട് നരേറ്റര്‍ ഡോ. ബി. ജയകൃഷ്ണന്‍ പറഞ്ഞു.
ഏതൊരു രാജ്യത്തെയും പൗരസ്വാതന്ത്ര്യമെന്നത് അവിടങ്ങളിലെ മാധ്യമങ്ങളുടെ സ്വാതന്ത്ര്യവുമായി കൂട്ടിവായിക്കേണ്ടതാണെന്നും വിക്കിപീഡിയയില്‍ നിന്നും കോടതി നടപടികളുമായി ബന്ധപ്പെട്ട പേജ് നീക്കം ചെയ്യാന്‍ ഉത്തരവിട്ട ഡല്‍ഹി ഹൈകോടതിയുടെ ഉത്തരവ് സുപ്രീംകോടതി റദ്ദാക്കിയത് ഈ പശ്ചാത്തലത്തിലാണെന്നും ജയകൃഷ്ണന്‍ അഭിപ്രായപ്പെട്ടു.
കാനാട്ടുക്കര കല്ലുപ്പാലത്ത് നടന്ന ചടങ്ങില്‍ അഖില്‍കൃഷ്ണ. കെ. എസ്. ഭദ്രദീപം കൊളുത്തി. പ്രതിഭാവം എഡിറ്റര്‍ സതീഷ് കളത്തില്‍, മാനേജിങ് എഡിറ്റര്‍ ബി. അശോക് കുമാര്‍, അസോ. എഡിറ്റര്‍ വിസ്മയ കെ. ജി., ചീഫ് അഡ്മിനിസ്‌ട്രേറ്റര്‍ നവിന്‍കൃഷ്ണ, ബ്രഹ്‌മാനന്ദന്‍ കെ. എ. എന്നിവര്‍ സംസാരിച്ചു. അഭിരാമി ആദിത്യന്‍ സ്വാഗതവും കൃഷ്‌ണേന്ദു എം. എം. നന്ദിയും പറഞ്ഞു
ഇരുപത്തഞ്ച് വര്‍ഷങ്ങള്‍ക്കു മുന്‍പ് പ്രസിദ്ധീകരണം നിര്‍ത്തിയ പ്രതിഭാവം പത്രത്തിന്റെ ഓണ്‍ലൈന്‍ എഡിഷന്‍ 2025 ജനുവരിയില്‍ ആരംഭിച്ചിരുന്നു.