പ്രോട്ടീന്‍ സമ്മര്‍ ഫിയസ്റ്റ സീസണ്‍ - 2 ജൂലൈ 05 ന് ആരംഭിക്കും
മനാമ: കെ.എം.സി.സി ബഹ്‌റൈന്‍ മലപ്പുറം ജില്ലാ കമ്മിറ്റി ഈ വരുന്ന വേനലവധിക്കാലത്ത് വിദ്യാര്‍ത്ഥികള്‍ക്ക് വേണ്ടി സംഘടിപ്പിക്കുന്ന സമ്മര്‍ ക്യാമ്പ് ജൂലൈ 5 മുതല്‍ ആഗസ്ത് 1 വരെ മനാമ കെ.എം.സി.സി ഹാളില്‍ വെച്ച് നടക്കും. രാവിലെ 8.00 മണി മുതല്‍ ഉച്ചക്ക് 1.00 മണി വരെയാണ് ക്യാമ്പ് നടക്കുന്നത്. 6 മുതല്‍ 17 വയസ്സ് വരെയുള്ള കുട്ടികള്‍ക്ക് പങ്കെടുക്കാവുന്നതാണ്.
വ്യക്തിത്വ വികസനം, ലൈഫ് സ്‌കില്‍സ്, ഹാബിറ്റ്‌സ് മോള്‍ഡിങ്, ആര്‍ട്‌സ്, സ്‌പോര്‍ട്‌സ്, ഫസ്റ്റ് എയ്ഡ്, ട്രോമാ കെയര്‍, ആര്‍ട്ടിഫിഷ്യല്‍ ഇന്റലിജന്‍സ്, ഫ്യൂചര്‍ വേള്‍ഡ്, ഫിനാന്‍സ് മാനേജ്‌മെന്റ് തുടങ്ങി വിവിധ വിഷയങ്ങളില്‍ ട്രെയിനിംഗ് സെഷനുകള്‍ നടക്കും. ക്യാമ്പിന്റെ ഭാഗമായി ശില്പശാലകള്‍, ആര്‍ട്‌സ് ഫെസ്റ്റ്, സ്‌പോര്‍ട്‌സ് മീറ്റ്, ഗെയിംസ്, പ്രായോഗിക പരിശീലനം, മത്സരങ്ങള്‍, ഫാമിലി മീറ്റ് എന്നിവ സംഘടിപ്പിക്കും. ക്യാമ്പിന്റെ ഭാഗമായി രക്ഷിതാക്കള്‍ക്ക് പ്രത്യേക സെഷനുകള്‍ ഉണ്ടായിരിക്കും.
ഇന്ത്യയില്‍ നിന്നുള്ള വിദഗ്ധ പരിശീലകരായ നബീല്‍ മുഹമ്മദ്, യഹ്യ മുബാറക്, ഹിഷാം പി എന്നിവരാണ് ക്യാമ്പിന് നേതൃത്വം നല്‍കുന്നത്. ജൂലൈ 5 ശനിയാഴ്ച രാത്രി 7 മണിക്ക് നടക്കുന്ന ഉദ്ഘാടന ചടങ്ങില്‍ കെ.എം.സി.സി സ്റ്റേറ്റ് നേതാക്കള്‍ സംബന്ധിക്കും.
കെഎംസിസി ബഹ്‌റൈന്‍ മീഡിയ വിങ്ങ് ചെയര്‍മാന്‍ AP ഫൈസല്‍പ്രോട്ടീന്‍ സമ്മര്‍ ഫിയസ്റ്റ സീസണ്‍ 2 വിന്റെ വീഡിയോ ലോഞ്ചിംഗ് നിര്‍വഹിച്ചു.
സമ്മര്‍ ക്യാമ്പിനു കുട്ടികളെ രജിസ്റ്റര്‍ ചെയ്യാന്‍ താല്പര്യമുള്ള രക്ഷിതാക്കള്‍ 35989313, 33165242, 36967712 എന്നീ നമ്പറുകളില്‍ ബന്ധപ്പെടണമെന്ന് ജില്ലാ പ്രസിഡണ്ട് ഇക്ബാല്‍ താനൂര്‍ , ജനറല്‍ സെക്രട്ടറി അലി അക്ബര്‍, ട്രഷറര്‍ ഫാറൂഖ്, ഓര്‍ഗനൈസിംഗ് സെക്രട്ടറി വി കെ റിയാസ് , മറ്റ് ഭാരവാഹികളായ ഷാഫി കോട്ടക്കല്‍, ഉമ്മര്‍ കൂട്ടിലങ്ങാടി, നൗഷാദ് മുനീര്‍, മുഹമ്മദ് മഹ്റൂഫ് ആലിങ്ങല്‍, മുഹമ്മദ് അലി ,ഷഹീന്‍ താനാലുര്‍ , മുജീബ് മേല്‍മുറി , , മൊയ്ദീന്‍ മീനാര്‍കുഴി , കെ ആര്‍ ശിഹാബ് പൊന്നാനി , അനീസ് ബാബു, എന്നിവര്‍ അറിയിച്ചു .