വീട്ടമ്മയെ യുവാവ് കഴുത്തില്‍ കത്തി കൊണ്ട് കുത്തി പരുക്കേല്‍പിച്ചു; ഓടി രക്ഷപ്പെട്ട പ്രതിക്കായി തിരച്ചില്‍

അത്തോളി: സഹകരണ ആശുപത്രിക്ക് സമീപം വാടകയ്ക്ക് താമസിക്കുന്ന വീട്ടമ്മയെ യുവാവ് കഴുത്തില്‍ കത്തി കൊണ്ട് കുത്തി പരുക്കേല്‍പിച്ചു. മഠത്തില്‍ കണ്ടി റംഷിദയെയാണ് യുവാവ് ഇന്നലെ രാത്രി 8ന് ആക്രമിച്ചത്. വീട്ടിലേക്ക് കയറുന്ന ഇടവഴിയില്‍ വച്ചു യുവാവ് ആക്രമിക്കുകയായിരുന്നു. ശബ്ദം കേട്ട് ആളുകള്‍ ഓടി എത്തി. വീട്ടമ്മയെ സ്വകാര്യ ആശുപത്രിയില്‍ പ്രവേശിപ്പിച്ചു. പ്രതി ഓടിപ്പോയി. പൊലീസ് അന്വേഷണം ആരംഭിച്ചു.