ആശാന്‍ യുവകവി പുരസ്‌കാരം പി.എസ് ഉണ്ണികൃഷ്ണന് സമ്മാനിച്ചു
തിരുവനന്തപുരം: കായിക്കര കുമാരനാശാന്‍ സ്മാരകം നല്‍കുന്ന ഈ വര്‍ഷത്തെ ആശാന്‍ യുവകവി പുരസ്‌കാരം പി.എസ് ഉണ്ണികൃഷ്ണന് സമ്മാനിച്ചു. ലോഗോസ് ബുക്‌സ് പ്രസിദ്ധീകരിച്ച 'മതിയാകുന്നേയില്ല' എന്ന കവിതാ സമാഹാരത്തിനാണ് പുരസ്‌കാരം. 50000/- രൂപയും പ്രശസ്തി പത്രവും ഫലകവുമടങ്ങിയ പുരസ്‌ക്കാരം പ്രശസ്ത കവി എഴാച്ചേരി രാമചന്ദ്രനാണ് സമ്മാനിച്ചത്.
ചടങ്ങില്‍ പ്രൊഫസ്സര്‍ ഭുവനേന്ദ്രന്‍ പ്രശസ്തിപത്രം വായിച്ചു. ആശാന്‍ മെമ്മോറിയല്‍ അസോസിയേഷന്‍ വര്‍ക്കിംഗ് പ്രസിഡന്റ് അഡ്വ. ചെറുന്നിയൂര്‍ ജയപ്രകാശ് അദ്ധ്യക്ഷതവഹിച്ച ചടങ്ങില്‍ പ്രശസ്ത കവയത്രി ഇന്ദിര അശോക് മുഖ്യ പ്രഭാഷണം നടത്തി. തുടര്‍ന്ന് പുരസ്‌കാര ജേതാവ് പി.എസ് ഉണ്ണികൃഷ്ണന് മറുപടി പ്രഭാഷണം നടത്തി. സ്‌കൂള്‍, കോളജ്തല സാഹിത്യ മത്സരങ്ങളിലെ വിജയികള്‍ക്ക് ഏഴാച്ചേരി രാമചന്ദ്രന്‍ സമ്മാനം വിതരണം നടത്തി. മുന്‍ ട്രഷററും സീനിയര്‍ അംഗവുമായ സി.വി സുരേന്ദ്രന്‍, രാമചന്ദ്രന്‍ കരവാരം, ശാന്തന്‍,വി. ലൈജു,ജെയിന്‍ .കെ വക്കം എന്നിവര്‍ ചടങ്ങില്‍ പങ്കെടുത്ത് സംസാരിച്ചു. തുടര്‍ന്ന് തിരുവനന്തപുരം സൗപര്‍ണ്ണികയുടെ മണികര്‍ണ്ണിക എന്ന നാടകവും അരങ്ങേറി.