വെടി നിര്‍ത്തല്‍ തീരുമാനം ആശ്വാസകരം - വെല്‍ഫെയര്‍ പാര്‍ട്ടി
തിരുവനന്തപുരം: പഹല്‍ഗാമിലെ ഭീകരാക്രമണത്തെത്തുടര്‍ന്ന് ഇന്ത്യയ്ക്കും പാകിസ്ഥാനുമിടയില്‍ ഉടലെടുത്ത സംഘര്‍ഷം അതിരൂക്ഷമായി മാറിയ അന്തരീക്ഷത്തിന് അയവ് വരുത്തുന്ന വെടിനിര്‍ത്തല്‍ പ്രഖ്യാപിച്ചത് ആശ്വാസകരമാണെന്ന് വെല്‍ഫെയര്‍ പാര്‍ട്ടി സംസ്ഥാന പാലേരി പറഞ്ഞു. സമാധാനവും സുരക്ഷയും അപകടപ്പെടുത്തുന്ന എല്ലാതരം ഭീകരപ്രവര്‍ത്തനങ്ങളും അവയുടെ സംരക്ഷകരും ചെറുത്തു തോല്‍പ്പിക്കപ്പെടണമെന്നതാണ് ജനങ്ങള്‍ ആഗ്രഹിക്കുന്നത്. ഇതിന് സഹായകരമാകുന്ന രീതിയിലുള്ള ശാശ്വത പരിഹാരത്തിനും വിശദമായ രാഷ്ട്രീയ ചര്‍ച്ചയ്ക്കും ഇരുരാജ്യങ്ങളും തയ്യാറാകണം.
പഹല്‍ഗാമിലെ ഭീകരമാക്രമണത്തിലും തുടര്‍ന്നുണ്ടായ വിദ്വേഷ പ്രചരണത്തിലും ഇന്ത്യയ്ക്കും പാകിസ്ഥാനുമിടയിലെ സംഘര്‍ഷത്തിലും രാജ്യത്ത് അരക്ഷിതാവസ്ഥയിലേക്ക് തള്ളപ്പെട്ട നിരവധി വ്യക്തികളും കുടുംബങ്ങളും ഉണ്ട്. അവരുടെ ജീവിതം സുരക്ഷിതമാക്കുന്നതിന് ആവശ്യമായ നടപടികള്‍ സ്വീകരിക്കാന്‍ കേന്ദ്ര ഭരണകൂടം തയ്യാറാകണം.