ബെല്‍വില്‍ സെന്റ് . കുര്യാക്കോസ് ചാവറ സീറോ മലബാര്‍ ദേവാലയത്തില്‍ സംയുക്ത തിരുനാളാഘോഷം 2025 16ന് ശനിയാഴ്ച
ബെല്‍വില്‍, ഒന്റാറിയോ, കാനഡ: സെന്റ് കുര്യാക്കോസ് സീറോ മലബാര്‍ ദേവാലയത്തിലെ സംയുക്ത തിരുനാള്‍ ആഘോഷം 2025 ആഗസ്റ്റ് 15 മുതല്‍ 17 വരെ ഭക്തിനിബദ്ധതയോടെയും ആഘോഷോത്സാഹത്തോടെയും ആചരിക്കും. ആഗസ്റ്റ് 15, വെള്ളിയാഴ്ച വൈകിട്ട് 6.30ന് ആരംഭിക്കുന്ന തിരുനാള്‍ ആഘോഷത്തില്‍ ആരാധന, വിശുദ്ധ കുര്‍ബാന, നേര്‍ച്ച വിഭവ വിതരണങ്ങള്‍ തുടങ്ങിയവ ഉണ്ടായിരിക്കും.ആഗസ്റ്റ് 16, ശനിയാഴ്ച വൈകിട്ട് 6.30ന്, വിശുദ്ധ കുര്‍ബാനയും, രൂപം വെഞ്ചിരിപ്പും, തിരുനാള്‍ കൊടിയേറ്റവും, പൂര്‍വികരുടെ അനുസ്മരണവും ഭക്തിയോടും നിമിഷഗൗരവത്തോടെയും നടത്തപ്പെടും.
പ്രധാന തിരുനാള്‍ ദിനമായ ആഗസ്റ്റ് 17, ഞായറാഴ്ച വൈകിട്ട് 4.30ന്, പ്രസുദേന്തി വാഴ്ചയോടുകൂടി തിരുകര്‍മ്മങ്ങള്‍ ആരംഭിക്കും. തുടര്‍ന്ന് തിരുനാള്‍ സമൂഹബലിയും, തിരുനാള്‍ പ്രദക്ഷിണവും, നേര്‍ച്ച ഭക്ഷണവും ഉണ്ടായിരിക്കും.
തിരുനാളിനോടനുബന്ധിച്ച് CK ബീറ്റ്‌സ് ചാത്തം നയിക്കുന്ന ശിങ്കാരിമേളം ആഘോഷത്തിന്റെ താളം ഉയര്‍ത്തും. പ്രത്യേക ആകര്‍ഷണമായി, ഇടവകാംഗങ്ങള്‍ തയ്യാറാക്കിയ ഫുഡ് ട്രക്ക് വ്യത്യസ്ത വിഭവങ്ങളാല്‍ ഭക്തജനത്തിന് രുചിപുരസ്സരമായ അനുഭവം നല്‍കും. കുടുംബങ്ങളെയും വിശ്വാസജനതയെയും ഒരുമിപ്പിക്കുന്ന ഈ തിരുനാള്‍, ഏകതയും ആത്മീയതയും പങ്കുവെക്കുന്ന ഒരു പ്രിയപ്പെട്ട സന്ദര്‍ഭമായി മാറുന്നു.
ജോമോന്‍ ജോയ് - മീഡിയ കോഓര്‍ഡിനേറ്റര്‍