ഇടുക്കിയുടെ പശ്ചാത്തലത്തിൽ ഒരു സസ്പെൻസ് ഡ്രാമ; ദിലീഷ് പോത്തനൊപ്പം ജാഫർ ഇടുക്കിയും; പ്രതീക്ഷ നൽകി അം അഃ; ചിത്രത്തിന്റെ ടീസർ പുറത്ത്

കൊച്ചി: വലിയ പ്രതീക്ഷയോടെ തീയേറ്ററുകളിൽ പ്രദർശനമാരംഭിക്കാൻ ഒരുങ്ങുന്ന ചിത്രമാണ് അം അഃ. ദിലീഷ് പോത്തൻ, ജാഫർ ഇടുക്കി എന്നിവരാണ് പ്രധാന വേഷങ്ങളിൽ എത്തുന്ന ചിത്രം സസ്പെൻസ് ഡ്രാമ വിഭാഗത്തിൽ പെടുന്ന ഒന്നാണ്. മായാ ബസാർ, ജമ്നാ പ്യാരി, ഗൂഢാലോചന എന്നീ ചിത്രങ്ങൾക്കു ശേഷം തോമസ് സെബാസ്റ്റ്യൻ ഒരുക്കുന്ന ചിത്രം പ്രഖ്യാപനം എത്തിയത് മുതൽ ശ്രദ്ധ നേടിയിരുന്നു. കാപി പ്രൊഡക്ഷൻസിന്റെ ബാനറിൽ നിർമ്മിക്കുന്നത്. ചിത്രത്തിന്റെ റിലീസ് തീയതി ഇന്നലെ പുറത്ത് വിട്ടിരുന്നു. ജനുവരി 26 ന് തീയേറ്ററുകളിൽ എത്തും ചിത്രത്തിന്റെ ടീസർ പുറത്ത് വിട്ടിരിക്കുകയാണ് അണിയറ പ്രവർത്തകർ. 

ഇടുക്കിയുടെ പശ്ചാത്തലത്തിൽ അവതരിപ്പിക്കപ്പെടുന്ന ഈ സസ്പെൻസ് ഡ്രാമയിൽ മെയ്യഴകന്‍, വിജയ് സേതുപതി നായകനായ ഹിറ്റ് ചിത്രം 96 എന്നീ ചിത്രങ്ങളിലൂടെ ശ്രദ്ധ നേടിയ തമിഴ്‌താരം ദേവദർശിനിയാണ് നായികയായി എത്തുന്നത്. കവി പ്രസാദ് ഗോപിനാഥ് തിരക്കഥ ഒരുക്കുന്ന ചിത്രത്തിൽ അലൻസിയർ, ടി.ജി. രവി,രഘുനാഥ് പലേരി, ജയരാജ് കോഴിക്കോട്, നവാസ് വള്ളിക്കുന്ന് തമിഴ് താരം ദേവദർശിനി മീരാവാസുദേവ്, ശ്രുതി ജയൻ മാലാ പാർവ്വതി, മുത്തുമണി എന്നിവരും പ്രധാന വേഷങ്ങളിലെത്തുന്നു.

അനീഷ് ലാൽ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റർ ബിജിത് ബാലയാണ്. ഗോപി സുന്ദറാണ് ചിത്രത്തിന് സംഗീതം നൽകിയിരിക്കുന്നത്. കലാ സംവിധാനം പ്രശാന്ത് മാധവ്, മേക്കപ്പ് രഞ്ജിത്ത് അമ്പാടി, കോസ്റ്റ്യും ഡിസൈൻ കുമാർ എടപ്പാൾ, സ്റ്റിൽസ് സിനറ്റ് സേവ്യർ, ചീഫ് അസ്സോസ്സിയേറ്റ് ഡയറയക്ടർ ഗിരീഷ് മാരാർ, അസ്സോസ്സിയേറ്റ് ഡയറക്ടർ ഷാമിലിൻ ജേക്കബ്ബ്, നിർമ്മാണ നിർവ്വഹണം ഗിരീഷ് അത്തോളി, പിആര്‍ഒ വാഴൂർ ജോസ്, മഞ്ജു ഗോപിനാഥ്.