പ്രഥമ പ്രൊഫ.സി.ആർ.ഓമനക്കുട്ടൻ ഫൗണ്ടേഷൻ അവാർഡിന് നടൻ വിജയരാഘവൻ അർഹനായി; പുരസ്കാരം മന്ത്രി വി.എൻ. വാസവൻ സമ്മാനിക്കും

കോട്ടയം: പ്രഥമ പ്രൊഫ. സി.ആർ. ഓമനക്കുട്ടൻ ഫൗണ്ടേഷൻ അവാർഡ് നടൻ വിജയരാഘവന്. നാടക സിനിമാ രംഗത്ത് അദ്ദേഹം നൽകിയ സമഗ്ര സംഭാവനകൾ കണക്കിലെടുത്താണ് പുരസ്കാരത്തിന് തിരഞ്ഞെടുത്തത്. 25,000 രൂപയും ശില്പവുമാണ് താരത്തിന് പുരസ്കാരമായി ലഭിക്കുക

ഒക്ടോബർ 26 ന് വൈകിട്ട് 4 ന് കോട്ടയം ദർശന ഓഡിറ്റോറിയത്തിൽ നടക്കുന്ന ഫൗണ്ടേഷൻ ഉദ്ഘാടന ചടങ്ങിൽ മന്ത്രി വി.എൻ. വാസവൻ സമ്മാനിക്കും. എം.ജി. സർവകലാശാല മുൻ വൈസ് ചാൻസലർ ഡോ. ബാബു സെബാസ്റ്റ്യൻ, കോട്ടയം പബ്ലിക് ലൈബ്രറി പ്രസിഡൻ്റ് എബ്രഹാം ഇട്ടിച്ചെറിയ, ദർശന സാംസ്കാരിക കേന്ദ്രം ഡയറക്ടർ ഫാ. എമിൽ പുള്ളിക്കാട്ട്, ഫൗണ്ടേഷൻ ചെയർമാൻ വി. ജയകുമാർ എന്നിവരടങ്ങിയ ജഡ്ജിങ് കമ്മിറ്റിയാണ് വിജയരാഘവനെ അവാർഡിന് തിരഞ്ഞെടുത്തത്.