ഗ്രാമീണ പശ്ചാത്തലത്തിൽ ‘മച്ചാന്‍റെ മാലാഖ’; സൗബിൻ ഷാഹിറിനൊപ്പം ധ്യാൻ ശ്രീനിവാസനും; ബോബൻ സാമുവൽ ഒരുക്കുന്ന ചിത്രത്തിന്റെ റിലീസ് തീയതി പുറത്ത്
കൊച്ചി: കോമഡി എൻ്റർടെയിനർ ചിത്രങ്ങളിലൂടെ ജനപ്രീതി പിടിച്ചു പറ്റിയ സംവിധായകനാണ് ബോബൻ സാമുവൽ. ഒരിടവേളക്ക് ശേഷം ബോബൻ സാമുവൽ സംവിധാനം ചെയ്യുന്ന ചെയ്യുന്ന ചിത്രമാണ് ‘മച്ചാന്‍റെ മാലാഖ’. സൗബിൻ ഷാഹിർ, ധ്യാൻ ശ്രീനിവാസൻ, ദിലീഷ് പോത്തൻ, നമിത പ്രമോദ് എന്നിവർ പ്രധാന വേഷങ്ങളിലെത്തുന്ന ചിത്രം വലിയ പ്രതീക്ഷയോടെയാണ് തീയേറ്ററുകളിൽ എത്തുന്നത്. ഇപ്പോഴിതാ ചിത്രത്തിന്റെ റിലീസ് തീയതി പ്രഖ്യാപിച്ചിരിക്കുകയാണ് അണിയറ പ്രവർത്തകർ.
ചിത്രം ഫെബ്രുവരി 27ന് തീയേറ്ററുകളിലെത്തും. അബാം മൂവീസിൻ്റെ ബാനറിൽ ഷീലു എബ്രഹാം അവതരിപ്പിച്ച് എബ്രഹാം മാത്യുവാണ് ചിത്രം നിർമ്മിക്കുന്നത്. അബാം മൂവീസിൻ്റെ പതിമൂന്നാമത് ചിത്രമാണിത്. സൗബിനും നമിതയും ചേർന്നുള്ള ഒരു സേവ് ദ ഡേറ്റ് പോസ്റ്ററിലൂടെയാണ് റിലീസ് ഡേറ്റ് പുറത്തുവിട്ടിരിക്കുന്നത്. ചിത്രത്തിൽ സംവിധായകൻ ജക്സൺ ആൻ്റണിയുടെ കഥക്ക് അജീഷ് പി. തോമസ് തിരക്കഥ രചിക്കുന്നു.
ചിത്രത്തിൽ മനോജ് കെ.യു, വിനീത് തട്ടിൽ, ശാന്തി കൃഷ്ണ, ലാൽ ജോസ്, രാജേഷ് പറവൂർ, ആൽഫി പഞ്ഞിക്കാരൻ, ആര്യ, ശ്രുതി ജയൻ, ബേബി ആവണി, ബേബി ശ്രേയ ഷൈൻ, അഞ്ജന അപ്പുകുട്ടൻ, നിത പ്രോമി, സിനി വർഗീസ് തുടങ്ങിയവരും അഭിനയിക്കുന്നുണ്ട്. ഡ്രീം ബിഗ് ഫിലിംസ് ആണ് ചിത്രം തിയറ്ററുകളിൽ എത്തിക്കുന്നത്. ഔസേപ്പച്ചൻ ചിത്രത്തിനായി സംഗീതം ഒരുക്കിയിരിക്കുന്നു. വിവേക് മേനോൻ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റർ രതീഷ് രാജാണ്.
എക്സിക്യൂട്ടീവ് പ്രൊഡ്യൂസർ അമീർ കൊച്ചിൻ, പ്രൊഡക്ഷൻ കൺട്രോളർ ദീപക് പരമേശ്വരൻ, ലൈൻ പ്രൊഡ്യൂസർ ടി.എം റഫീഖ്, കലാസംവിധാനം സഹസ് ബാല, ലിറിക്സ് സിൻ്റോ സണ്ണി, മേക്കപ്പ് ജിതേഷ് പൊയ്യ, കോസ്റ്റ്യൂം ഡിസൈനർ അരുൺ മനോഹർ, കളറിസ്റ്റ് ലിജു പ്രഭാകർ, സൗണ്ട് മിക്സിങ് എം.ആർ രാജകൃഷ്ണൻ, സൗണ്ട് ഡിസൈൻ എ.ബി ജുബിൻ, ചീഫ് അസോസിയേറ്റ് ഡയറക്ടർ ജിജോ ജോസ്, പ്രൊഡക്ഷൻ എക്സിക്യൂട്ടീവ് പ്രതീഷ് മാവേലിക്കര, നസീർ കാരന്തൂർ, സ്റ്റിൽസ് ഗിരിശങ്കർ, പി.ആർ.ഒ പി.ശിവപ്രസാദ്, പബ്ലിസിറ്റി ഡിസൈൻസ് മാജിക് മൊമൻ്റ്സ് എന്നിവരാണ് മറ്റ് അണിയറ പ്രവർത്തകർ.