'തുടക്കം മംഗല്യം തന്തുനാനേന...'; ഉത്തരയ്ക്ക് അണിയാനുള്ള ആഭരണങ്ങൾ ഒരുക്കുന്ന ധൃതിയിൽ പാർവതി; സുഷിനും ഉത്തരയ്‌ക്കും ആഹാരം വാരി കൊടുക്കുന്ന തിരക്കിൽ നസ്രിയ; കല്യാണ കാഴ്ചകൾ വൈറലാകുന്നു; ഇവരാണ് യഥാർത്ഥ കൂട്ടുകാരെന്ന് ആരാധകർ..!
കൊച്ചി: ഈ അടുത്തിടെയാണ് സംഗീത സംവിധായകൻ സുഷിൻ ശ്യാമിന്റെ വിവാഹം കഴിഞ്ഞത്. സിനിമാ പ്രവർത്തകയും സുഹൃത്തുമായ ഉത്തരയാണ് സുഷിന്റെ വധു. ഇരുവരുടെയും ചിത്രങ്ങളും വിവാഹ വീഡിയോയും സമൂഹ മാധ്യമങ്ങളിൽ ഇപ്പോൾ ട്രെൻഡിംഗിലാണ്. ഇതിനിടെ താരങ്ങളുടെ വിവാഹ ഒരുക്കങ്ങളും നവമാധ്യമങ്ങളിൽ വൈറലാവുകയാണ്.
സുഷിനെയും ഉത്തരയെയും അണിയിച്ചൊരുക്കുന്നതിന്റെ വീഡിയോ ആണിത്. മേയ്‌ക്കപ്പ് ആർട്ടിസ്റ്റായ ഉണ്ണി പി.എസിന്റെ ഇൻസ്റ്റഗ്രാമിലൂടെയാണ് വീഡിയോ ഇപ്പോൾ പങ്കുവച്ചത്. വീഡിയോ വൈറലായതോടെ ആരാധകർക്കിടയിൽ ഇപ്പോൾ ചർച്ചയാവുന്നത് നസ്രിയയുടെയും സുഷിന്റെയും സൗഹൃദമാണ്.
സുഷിനും ഉത്തരയും കല്യാണത്തിനായി ഒരുങ്ങുമ്പോൾ ഇരുവർക്കും ഭക്ഷണം വാരി കൊടുക്കുന്ന നസ്രിയയാണ് വീഡിയോയിലുള്ളത്. ഇതിനിടയിൽ ഉത്തരയ്ക്ക് അണിയാനുള്ള ആഭരണങ്ങൾ ഒരുക്കുന്ന പാർവതിയെയും ദൃശ്യങ്ങളിൽ കാണുന്നുണ്ട്. പാർവതിയുടെ സഹോദരിയുടെ മകളാണ് ഉത്തര.