ഏത് കാര്യത്തിനും ഏത് സമയത്തും കുടുംബത്തെ പോലെ കരുതി സമീപിക്കാം; ഒത്തിരി സപ്പോർട്ട് ചെയ്തിട്ടുണ്ട്; ഒരാളോട് എങ്ങനെ സഹകരിക്കുന്നവെന്നത് കണ്ട് പഠിക്കണം; ദിലീപിനെക്കുറിച്ച് അനുശ്രീ

കൊച്ചി: ദിലീപുമായുള്ള സൗഹൃദത്തെക്കുറിച്ച് തുറന്ന് സംസാരിക്കുകയാണ് യുവ നായികമാരിൽ ശ്രദ്ധേയയായ അനുശ്രീ. ഏത് കാര്യത്തിനും ഏത് സമയത്തും കുടുംബത്തെ പോലെ കരുതി സമീപിക്കാൻ കഴിയുന്ന ആളാണ് ദിലീപ് എന്ന് അനുശ്രീ പറയുന്നു. സ്വകാര്യ മാധ്യമത്തിന് നൽകിയ അഭിമുഖത്തിലാണ് അനുശ്രീ ദിലീപിനെക്കുറിച്ച് സംസാരിച്ചത്. ചന്ദ്രേട്ടൻ എവിടെയാ എന്ന സിനിമയിലാണ് ഇരുവരും ഒരുമിച്ച് അഭിനയിച്ചത്. അതിന് ശേഷം ദിലീപുമായി നല്ല സൗഹൃതമാണ് ഉള്ളതെന്നും അനുശ്രീ പറയുന്നു.

ദിലീപേട്ടൻ കുടുംബം പോലെയാണ്. എന്തുണ്ടെങ്കിലും അതിനി വിഷമമാണെങ്കിലും എന്തും പറയാനായിട്ട് എനിക്ക് സ്പെയ്സ് തന്നിരിക്കുന്ന ഒരാളാണ്. ചന്ദ്രേട്ടൻ എവിടെയാ എന്ന സിനിമയുടെ ചിത്രീകരണ സമയത്ത് എനിക്ക് കുറച്ച് ആരോഗ്യ പ്രശനങ്ങൾ ഉണ്ടായിരുന്നു. ഷൂട്ടിന്റെ സമയത്തൊക്കെ ദിലീപേട്ടൻ ഒത്തിരി സപ്പോർട്ട് ചെയ്തിട്ടുണ്ട്. ആ ഒരു സ്നേഹമാണ് എന്നെ അദ്ദേഹത്തോട് കൂടുതൽ അടുപ്പിച്ചത്. പക്ഷേ ഇത്ര വർഷം കഴിഞ്ഞിട്ടും അതങ്ങനെ തന്നെ പോകുന്നുണ്ട്. ദിലീപേട്ടന്റെ മാനേജറും ഡ്രൈവറുമായ അപ്പുണ്ണി ചേട്ടൻ ഞങ്ങളുടെ ബാച്ചിലാണ്. ഞങ്ങൾ കുടജാദ്രിയൊക്കെ പോയിട്ടുണ്ട്. എന്തെങ്കിലും ആവശ്യം ഉണ്ടെങ്കിൽ താൻ ദിലീപേട്ടനെ വിളിക്കുമെന്നും അനുശ്രീ പറയുന്നു.

പ്രൊഫഷണലി ആണെങ്കിലും പേഴ്സണലി ആണെങ്കിലും, ഏത് കാര്യത്തിനും ഏത് സമയത്തും എന്റെ കുടുംബത്തെ പോലെ കരുതാൻ പറ്റുന്ന ആളാണ് ദിലീപേട്ടൻ. ഒരാളോട് എങ്ങനെ സഹകരിക്കുന്നവെന്നതാണ് ദിലീപേട്ടനിൽ നിന്നും പഠിക്കാനുള്ളത്. പ്രൊഫഷണൽ സ്പെയ്സ് മാത്രമല്ലാതെ ഒരു പേഴ്സണൽ സ്പെയ്സിലേക്ക് മറ്റുള്ളവരെ കൊണ്ട് വരാൻ അദ്ദേഹത്തിനാവും. ഒരാളെ പേഴ്സണൽ സ്പെയ്സിലേക്ക് കൊണ്ട് വന്ന് കരുതൽ കൊടുക്കാൻ പറ്റുന്നത് പുള്ളിയിൽ നിന്ന് കണ്ട് പഠിക്കേണ്ടതാണ്.